YOHAANNISI 17:1 - Qullaawa Maxaafa

¹ Yesuusi konne coye coyi'rihu gedensaanni iima hige lae, «Anna'ya, yanna iillitino. Beettikki ayirrisannohe gede, atino Beettokki ayirrisi.

YOHAANNISI 17:1 ပူးပေါင်းရင်းမြစ်များ

FAARSO 123:1

Gordoho hee'rattohu Kaaliiqa'ya ballo, atewa hige laeemmo.

ISAYAASI 38:14

Ududdote gede raaroommo; dadille lembooli gede ikke uroommo. Iima hige la"anna, ille lowo geeshsha daafurtinoe. Mooticha'ya ballo, kunni qarrinni gatisie!

MAARQOOSI 14:41

Sayikkimeeshshono galagale hige, «Xaano goxxinenna fooliishshidhinella heedhinoonni? Xaate ikkino; yanna iillitinona, Manchi Beetto cubbaataammu angara sayinse uyinanni.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

LUQAASI 22:53

Barru baala Qullaawa Mine rosiisanni ki'ne ledo hee'rummo geeshsha diamaddinoonnie. Xa kayinni tini ki'ne yannaatinna tunsichu gashshaanchi yannaati» yiinsa.

YOHAANNISI 11:4

Yesuusino konne coye macciishshe, «Kuni dhibbi reyote iillishannoha di"ikkino. Ikkollana Maganu ayirrinyira ikkanno. Maganu Beettino kunninni ayirranno gedeeti» yii.

YOHAANNISI 11:41

Mannuno kincho hooli. Hakkunni gedensaanni Yesuusi iima hige lae, «Anna'ya, macciishshoottoehura galaxxeemmohe.

YOHAANNISI 12:23

Yesuusino, «Manchi Beetti ayirrinyunniwa eanno yanna iillitino.

YOHAANNISI 13:1

Yanna Agure Sa"ate Ayyaanira albaanniiti. Yesuusi tenne gobba agure Annisiwa ha'rannoti yanna iillitinota afe, tenne gobbara noore isire ikkitinore baxannonsare, goofimarchu geeshsha baxinsa.

YOHAANNISI 16:32

Mittu mittunkunni billaallitine ane calla'ya agurtinannie yanna dagganno. Kune iillitino. Ikkollana Anni'ya ledo'ya noo daafira callicho'ya di"ikkoommo.

YOHAANNISI 7:30

Hakka woyite amaddasira hasidhu; ikkollana, yannasi iillitinokki daafira ayino angatenni diamadinosi.

YOHAANNISI 7:39

Yesuusi konne coye coyi'rinohu iso ammantinori adhitannohu Qullaawu Ayyaani daafiraati. Yesuusi hatte yannara ayirrinyunniwa einokki daafira, Qullaawu Ayyaani ammanaasinenniwa didayino.

YOHAANNISI 8:20

Yesuusi konne coye coyi'rinohu Qullaawa Mine woxe tunganni ogori mule rosiisanni hee'reeti. Yannasi iillitinokki daafira, mittuno angatenni dikisinosi.

SOQQAMAASINETE LOOSO 3:13

Annuwanke Abirihaami, Yisihaaqi, Yaiqoobi Magani, Beettosi Yesuusa ayirrisinosi. Ki'ne kayinni iso Philaaxoosi angara sayissine uyitinoonni; Philaaxoosi agurasira hasi'rita nafa, ki'ne macciishsha gibbinoonni.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.