YOHAANNISI 15:6 - Qullaawa Maxaafa

⁶ Anenni hee'rannokkihu, gobbara tunge agurreenna moolanno sini gedeeho. Hattoo sinna gamba assine giirate tungeenna giirantanno.

YOHAANNISI 15:6 ပူးပေါင်းရင်းမြစ်များ

LAYINKI SAAMUEELI 23:7

Konne uta amadannohu, siwiilu uduunninna amaxxote daabbinni gamba asse, hakko hee'reennanni co'o asse giiranno» yii.

IYYOOBI 15:30

Tunsichunni fule gata didandaanno; sinnasi giira ittino haqqi gedeete; daraarosi diilallo giggishshitino haqqi gedeete.

FAARSO 80:15

Tenne haqqicho angakkinni kaasi'rootto; kaajjite lophitanno gede assootto.

ISAYAASI 14:19

Ati kayinni madaaramittokkinni, mullawa tugante hiiqqaqqantino sinna gede kakkadamatto; reeshshikki aana olunniwa reyitino olanto reeshshi duunamanno. Reeshshikki insahu ledo kinnaame balera uwe kakkadamanno.

ISAYAASI 27:10

Qiinshoonni katami diigame mullicho halallitte gobba lawanno; saada hossannowa ikkanno daafira, siittu haqqa sholoole itanno.

HIZIQEELI 17:9

«Kunnira, ani Mootichu Kaaliiqi xa'meemmohu konneeti: Kuni woyinete kaashshi lubbotenni hee'raranna lophara dandaannoni? Hakku umi allamurchi rumushshunku buqqise dihunanno? Gumma giggishshanninna sinna hiiqqaqqanni lattino darosi mooltanno gede diassanno? Ise buqqisate lowo wolqa woy wolqaataame olanto hasi'rannoni?

MAATEWOOSI 13:41

Hatte yannara Manchi Beetti sokkaasinesi soyanno; insano manna cubbu giddora eanno gede assitannorenna bunshe loossannore baala Maganu Gashshooti giddonni xinqite fushshitanno.

MAATEWOOSI 27:5

Isino sajjoonka birra Qullaawu Mini giddo fince hune, ha're qalxi're reyi.

MAATEWOOSI 3:10

Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni.

MAATEWOOSI 7:19

Dancha laalo laaltannokki haqqicho baala murre giirate tunganni.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

IBIRAAWOOTA 10:27

Xa gatte nooti waajjishshanno yoonna Magano qoxxissannore ittannota wolqaataame giira agadhate.

LAYINKI PHEEXIROOSI 2:20

Mootichinkenna Gatisaanchinke Yesuusi Kiristoosa afatenni tenne gobba battewiinni xooqqe fultuhu gedensaanni, galagalte hatte battenni sarraaqante qeelanturo, gedensiidi ikkitonsa albitenni roore darbantinota ikkitanno.

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.