YOHAANNISI 15:5 - Qullaawa Maxaafa

⁵ «Ani woyinete haqqicho damatteeti; ki'ne kayinni sinna'yaati. Anenni hee'rannohu, anino isinni hee'reemmohu batinye guma laalanno. Aneweello kayinni mittoreno assa didandiitinanni.

YOHAANNISI 15:5 ပူးပေါင်းရင်းမြစ်များ

LAWISHSHA 11:30

Keeraanchimma heeshsho uyitanno; haxawarrimma kayinni barra haransitanno.

HOOSEI 4:8

Manni'ya cubbi ki'nera jiro ikkino'ne daafira, mannu cubbo lede loosara hasidhinanni.

MAATEWOOSI 13:21

Ikkollana, yannate geeshshaati ikkinnina rumushsho diassi'rino. Maganu qaali daafira qarrunna xiiwama iillitannosi woyite hakkawoyintenni gufi're uwanno.

YOHAANNISI 12:24

Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 5:19

Yesuusino, «Halaale kuleemmo'nena, Annu loosanna afinore ikkinnina Beettu umisi roorrenni assannori dino. Annu loosannore Beettuno loosanno.

YOHAANNISI 9:33

Kuni manchi Maganuwiinni daa hoogoommero, mittoreno assa didandaanno» yii.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

ROOMU SOKKA 12:5

Ninkeno haammante hee'nenni, Kiristoosinni mitto bisooti. Mitte mannimma aana hee'noommo daafira, mitti mittinke ku'u ko'onni bisooti.

ROOMU SOKKA 6:22

Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

ROOMU SOKKA 7:4

Roduuwa'ya, ki'ne coyino hattooho. Ki'ne Kiristoosi bisi widoonni Seeraho reyitinoonnireeti. Kunnira, Maganoho guma laallammora, reyotenni kainohura Kiristoosira fiixa ikkitinoonni.

UMI QORONTOOSI 10:16

Magano galante ka'ne huumbeemmohu maassote finiinchi, Kiristoosi mundee ledo mittimma afi'rinoho. Inteemmo sagaleno Kiristoosi maali ledo mittimma afidhinote.

UMI QORONTOOSI 12:12

Mittu manninati batinye biso afi'rino. Kuni baalu bisi, mittu manninati aana no. Kiristoosino hattooti.

UMI QORONTOOSI 12:27

Ki'neno Kiristoosi manninateeti; mitti mitti'ne manninatisi bisooti.

LAYINKI QORONTOOSI 13:8

Ninke halaaleho uurrineemmo ikkinnina halaalu gobbaanni mittoreno diassineemmo.

LAYINKI QORONTOOSI 9:10

Wixi'rannohura wixa, itannohura tima halashshe aanno Magani wixidhinanni wixano fakkanche aanno'ne. Keeraanchimma'ne gumano halashshanno'ne.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

EFESOONI SOKKA 5:9

Xawaabbu addi addi danchumma, keeraanchimmanna halaale baala laalanno.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

FILIPHISIYUSI SOKKA 4:13

Wolqa aannoehunni Kiristoosinni baalankare assa dandeemmo.

FILIPHISIYUSI SOKKA 4:17

Hatto yeemmo'ne woyiteno, ki'newiinni mitore yore ikkikkinni, uyitinoonnie afanshi daafira maasso lexxitanno'ne gede halcheeti.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI PHEEXIROOSI 2:4

Kunnira heeshshote kincho ikkinohuwa Mootichu Yesuusiwa shiqqe; kuni kinchi mannu mishe agurinoho; Maganu kayinni doorinosihonna ayirrisinosiho.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.