YOHAANNISI 15:18 - Qullaawa Maxaafa

¹⁸ «Tini gobba gibbu'nero, ki'nera albaanni aneno gibbinoeta affe.

YOHAANNISI 15:18 ပူးပေါင်းရင်းမြစ်များ

UMI MOOTOOLLA 22:8

Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.

LAWISHSHA 29:27

Suwashshu manni shokkashsho manna dibaxanno; shokkashshu mannino suwashsho giwanno.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

MAATEWOOSI 10:22

Ane daafira yitineenna mannu baalu giwanno'ne; goofimarchu geeshsha kaajje uurrannohu kayinni gatanno.

MAATEWOOSI 24:9

«Hatte yannara qarraho sayisse uyitanno'ne; shitanno'ne; su'mi'ya daafira yitineenna mannu baalu giwanno'ne.

MAATEWOOSI 5:11

Ane daafira mannu xoni'ne'ro, xiiwi'neronna kaphunni su'ma huni'nero tashshi yoo'ne.

MAARQOOSI 13:13

Ane daafira yitineenna, mannu baalu giwanno'nere ikkitinanni; goofimarchu geeshsha cince kaajjannohu kayinni gatanno.

LUQAASI 6:22

«Ane Manchi Beettinni kainohunni mannu giwi'nero, giddonsanni fushshe huni'nero, mishi'neronna su'ma'ne bushatenni kayisiro ba'raadhinoonnireeti.

YOHAANNISI 16:1

«Kuneeti, konne baala kuloommo'nehu amma'na'nenni gufidhinannikki gedeeti.

YOHAANNISI 16:33

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

YOHAANNISI 3:20

Busha looso loosannohu baalu xawaabba giwanno. Bushu loosisi leellannota afe, xawaabbunniwa didaanno.

YOHAANNISI 7:7

Alame ki'ne digibbanno'ne; ane kayinni loosise busha ikkinota coyi'reemmo daafira gibbannoe.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

YAIQOOBI 4:4

Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.

UMI YOHAANNISI 3:1

«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

UMI YOHAANNISI 3:13

Roduuwa! Alame gibbu'nero maala'litinoonte.

UMI YOHAANNISI 3:3

Isinni tenne hexxo afi'rinohu baalu, isi gedee keeraancho ikkate isonoo keereensi'ranno.