YOHAANNISI 15:16 - Qullaawa Maxaafa

¹⁶ Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 15:16 ပူးပေါင်းရင်းမြစ်များ

KALAQAMA 18:18

Abirihaamino halaalinta jawanna wolqaataame gosa ikkanno; gobbate aana noo manni baalu isi widoonni hige maassamanno.

FAARSO 145:4

Jajjabbu loosikki ilamate ilama geeshsha galantanna hee'ranno; gosano dhaggenniha loosokki dudubbanno.

FAARSO 71:18

Geedheemmonna awuuweemmo woyiteno, dagganno ilama baalate roorrekkinna wolqakki kuleemmona, Magano agurtootie.

LAWISHSHA 11:30

Keeraanchimma heeshsho uyitanno; haxawarrimma kayinni barra haransitanno.

ISAYAASI 27:6

Dagganno yannara Yaiqoobi sirchi Israeele, woyinete haqqicho gede rumushsho assidhanno; daraarte laaltanno; laaloseno baatto wo'mitanno.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

MAATEWOOSI 21:22

Amma'nitine huuccidhinannire baala afidhinanni» yee qolinsa.

MAATEWOOSI 7:7

Yesuusi qole, «Huuccidhe, uyinanni'nena; hasidhe, afidhinannina; woshshidhe fannanni'nena.

LUQAASI 6:13

Soodita rosaanosi isiwa woshshe, insa giddonni tonaa lame doore, «Soqqamaasine» yee su'ma fushshinsa.

YOHAANNISI 13:18

Konne coye coyi'roommohu ki'ne baalunku daafira di"ikkino. Ani doodhoommore egennoommo. Ikkirono, ‹Hurbaate'ya itinohu anera badhe wodhinoe› yaannohu Maganu qaali wo'ma hasiissanno.

YOHAANNISI 15:19

Ki'ne tenne gobbare ikkitinoommero, umiseri gede assite baxxanno'ne. Ikkollana, ani tenne gobbanni bade dooroommo'ne ikkinnina ki'ne tenne gobbare ikkitinoonnikkihura, tini gobba gibbanno'ne.

YOHAANNISI 15:5

«Ani woyinete haqqicho damatteeti; ki'ne kayinni sinna'yaati. Anenni hee'rannohu, anino isinni hee'reemmohu batinye guma laalanno. Aneweello kayinni mittoreno assa didandiitinanni.

YOHAANNISI 6:70

Yesuusino, «Ani ki'ne ditonaa lame doorummo'ne? Ki'ne giddonni kayinni mittu Daawuloosiiti» yiinsa.

SOQQAMAASINETE LOOSO 1:24

Hakkunni gedensaanni, «Mannu baalu wodana afattohu Mootichanke, kunni lamunku giddonni hiikkonne doodhoottoro leellishinke.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 10:41

Leellinohuno Maganu umo asse doorino naqaashsheraati ikkinnina manna baalaho di"ikkino. Isi reyotenni kaihu gedensaanni isi ledo inte angoommori ninke naqaashshete.

SOQQAMAASINETE LOOSO 22:14

Isi qole, ‹Annuwanke Magani isi hedinore afattora, Keeraancho Soqqamaanchosi afattoranna huurosi macciishshattora balaxe doorinohe.

SOQQAMAASINETE LOOSO 9:15

Mootichuno Hanaaniyara, «Isi su'ma'ya dagate, moottoollatenna Israeelete mannira egensiisanno gede doodhoommo uduunnichootinna isiwa ha'ri.

ROOMU SOKKA 1:13

Roduuwa'ya, wole daga rosiise giddonsanni lowo ammanaasine afi'roommo. Ki'ne mereerinnino ammanaano afi'rate hasi'roommo. Ikkollana, ki'newa daate batinye hige hedeenna injaa hoogeennae gatoommota affinara hasi'reemmo.

ROOMU SOKKA 1:5

Kiristoosi widoonninna isi su'mi daafira, manna daga baalate giddonni amma'nate hajajama widira qoleemmo gede, Maganu soqqamaasinchimmate elto uyinoe.

ROOMU SOKKA 15:4

Umo assine Qullaawa Maxaaffa giddo borreessinoonnire baala rosiisankera borreessinoonni. Qullaawa Maxaaffa widoonni afi'neemmo cincanna jawaante hexxo uyitannonke.

ROOMU SOKKA 9:21

Woy doru uduunne gananno manchi mitto tuutira, wole minira ikkanno gede asse gana didandaanno?

UMI QORONTOOSI 10:11

Kuni coyi insa aana ikkinohu, ninke jiilleemmo gedeeti. Borreessinoonnihuno diru goofimarchira hee'noommorira ninkera seejjo ikkankeraati.

GALATIYU SOKKA 1:15

Ikkollana, Maganu ilamammora albaanni doorinoe; eltosinnino woshshinoe.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

QOLASIYAASI SOKKA 1:23

Kuni ikkannohu, xintantinenna sigiiggine, Danchu Duduwinni daggino hexxowiinni miliqqi yitinikinni ammanatenni kaajjitine heedhinirootilla. Kuni Danchu Duduwi, ki'ne macciishshitinoonnihonna kalqe baalate kulloonniho. Ani Phaawuloosino soqqamaancho ikkoommohu kunni Danchu Duduwiraati.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

UMI XIMOOTEWOOSI 2:7

Anino ammananna halaale lallawate soqqamaasinchonna rosiisaancho ikke daganniwa soqqame dayommohu kunniraati. Halaale coyi'reemmo ikkinnina dikapheemmo.

LAYINKI XIMOOTEWOOSI 1:11

Anino kunni Duduwi lallawaancho, soqqamaasinchonna rosiisaancho ikke shoomamoommo.

LAYINKI XIMOOTEWOOSI 2:2

Lowo naqaashshe albaanni ani rosiisoommohere woloota rosiisa dandiitannoriranna ammanantinorira eeggo uyi.

TIITO 1:5

Ate Qerxeesi aguroommohu, biddi yiinokki coye biddi assattonna hajajummohe garinni katammate beetekiristaanete cimeeyye dooratto gedeeti.

IBIRAAWOOTA 11:4

Aabeeli, Qaayeelita roortino kakkalo Maganoho shiqishinohu amma'natenniiti. Maganu Aabeeli kakkalo hagiidhe adhi yannara, Aabeeli amma'nasinni kainohunni keeraa'minota farci'noonni. Aabeeli reyirono, amma'nasi widoonni hige xaano coyi'ranni no.

YAIQOOBI 3:18

Keere baxxannori, keere wixidhe keeraanchimmate guma gamba assidhanno.

UMI PHEEXIROOSI 3:15

Mooticha Kiristoosa wodani'nenni ayirrisse. Ki'nera noo'ne hexxo garinni xa'mitanno'nerira baalaho dawaro qolate wo'manka woyite qixxaabbinoonnire ikke.

UMI PHEEXIROOSI 3:2

Gamba yaa dandiitannohu, xalalanna manna ayirrisate heeshsho'ne la'urooti.

UMI YOHAANNISI 4:10

Baxillu togooti; Magano ninke banxoommoha ikkikkinni, isi ninke baxe cubbonke agursiisate Beettosi soyinonke.

UMI YOHAANNISI 4:19

Maganu ninke balaxe baxinonke daafira ninkeno banxeemmosi.