YOHAANNISI 14:9 - Qullaawa Maxaafa

⁹ Yesuusi daware, «Filiphoosi, kageeshshi geeshsha ledo'ne hee'ranna diafoottoe? Ane afinohu anna'yano afino. Ati hiitto, ‹Magano Anna leellishinke› yaatto?

YOHAANNISI 14:9 ပူးပေါင်းရင်းမြစ်များ

KALAQAMA 26:9

Kunnira Abemeleeki Yisihaaqi woshshiishe, «Agari, Ribiqa atera galtekkiitini! Mayira, ‹Rodoo'yaati› yiittoyya?» yee xa'misi. Yisihaaqino, «Galte'yaati yuummoro isera yine shinannie yee waajjoommo daafiraati» yee dawari.

FAARSO 11:1

Ani Kaaliiqa golo'ya assi're hee'reenna, ki'ne manna, «Ceichote gede ilaallate widira higge xooqi» mayira yitinannieyya?

ERMIYAASI 2:23

‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.

MAARQOOSI 9:19

Yesuusi, «Ki'ne ammantinannikki ilama, ani ki'ne ledo mageeshshi geeshsha hee'reemmo? Ki'nere mageeshshi geeshsha cinceemmo? Hanni beetto anewa abbe!» yii.

LUQAASI 12:56

Ki'ne lawisiisaano, gordunna baattote dana la'ine ikkannore affinanni. Tenne yannara ikkannore baddine afa mayira hoogginiyya?» yii.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 10:30

Aninna Anni'ya mittoho» yii.

YOHAANNISI 12:45

Ane la"annohu, ane soyinohano la"anno.

YOHAANNISI 14:20

Ani Anni'yanni hee'reemmota, ki'neno anenni heedhinannita, anino ki'nenni hee'reemmota hakko barra affinanni.

YOHAANNISI 14:7

Ane egentinoonniha ikkoommero, Anna'yano egentinanni. Kunni ka'a iso egentinanni; qoltineno la'inoonnisi» yiisi.

YOHAANNISI 8:19

Insa qolte, «Annikki hiikko no?» yitu. Yesuusi, «Aneno anna'yano diegentinoonni. Ane egentinoommero Anna'yano egentinanni» yee qolinsa.

UMI QORONTOOSI 15:12

Kiristoosi reyotenni kainota rosiinsanna, ki'ne giddonni mitu mitu, «Reyotenni ka"a dino» hiitto yitanno?

FILIPHISIYUSI SOKKA 2:6

Isi Maganu dana afi're hee'renni, afi'rino wolqa ku'le, Maganu ledo taalamara dihasi'rino.

QOLASIYAASI SOKKA 1:15

Kiristoosi illete leellannokki Maganira halaalaancho lawishshaati. Isi kalaqamu baalunkura umiidiho.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.