YOHAANNISI 14:6 - Qullaawa Maxaafa

⁶ Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 14:6 ပူးပေါင်းရင်းမြစ်များ

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 1:4

Isi giddo heeshsho no; hatti heeshshono mannu xawaabbaati.

YOHAANNISI 10:28

Ani insara hegere heeshsho eemmo; horonta diba'anno. Anga'yanni ayino dihawulukannonsa.

YOHAANNISI 10:7

Yesuusi lede, «Halaale kuleemmo'nena, ani ge'reewu waalchooti.

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

YOHAANNISI 14:19

Shiima yanna gedensaanni tini gobba diaffannoe; ki'ne kayinni affinannie. Ani heeshshonniha ikkoommo daafira, ki'neno lubbotenni heedhinanni.

YOHAANNISI 15:1

Yesuusi lede, «Halaalaanchu woyinete haqqicho damatte aneeti; loosannohuno Anna'yaati.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 5:21

Annu reyitinore kayise heeshsho aannonte gede, Beettuno baxinohura heeshsho aanno.

YOHAANNISI 6:33

Maganu sagale gordunni dirrannohonna mannaho heeshsho aannoho» yii.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

YOHAANNISI 6:57

Heeshshonnihu Annu soyinoe garinni, anino isinni heeshshonniha ikkoommonte gede, maala'ya itannohu baalu anenni heeshshonniha ikkanno.

YOHAANNISI 6:68

Simiooni Pheexiroosi, «Mooticha'ya, ayenkewa ha'neemmo? Atera hegere heeshsho qaali noohe.

YOHAANNISI 8:32

Halaale affinanni; halaaluno borojjimmatenni fushshanno'ne» yiinsa.

YOHAANNISI 8:51

Halaale kuleemmo'nena, qaale'ya agadhannohu horonta direyanno» yiinsa.

SOQQAMAASINETE LOOSO 3:15

Heeshsho aannoha shitinoonni; Maganu kayinni reyotenni kayisinosi. Kunni coyira ninke naqaashshete.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

SOQQAMAASINETE LOOSO 9:2

Mootichu doogo hadhannore meyaa labbaaha amade usure Yerusaalame abbara, borro borreesse Demaasiqote noohura xaadu minira aannosi gede qeesootu roorricha xa'mi'ri.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

ROOMU SOKKA 5:2

Xa tenne uurrine hee'noommo eltowa e'noommohuno iso amma'natenniiti. Maganu ayirrinye gutamate hexxonnino hagiirraamma ikkineemmo.

ROOMU SOKKA 5:21

Kuni ikkinohuno, reyote widoonni cubbu moohinonte gede, Mootichinke Yesuusi Kiristoosi loosinni hegere heeshsho afi'rate, keeraanchimmate widoonni Maganu elto mookkaraati.

UMI QORONTOOSI 15:45

Kunnira Maganu qaali, «Umi manchi Addaami lubbotenni hee'ranno kalaqama ikkino» yaanno. Gedensiidi Addaami kayinni heeshsho aanno Ayyaana ikkino.

EFESOONI SOKKA 2:18

Isi loosinni ninke baalunku mittu Qullaawu Ayyaani widoonni hinge Annunniwa ea dandiinoommo.

QOLASIYAASI SOKKA 2:17

Kuri baalu albillittete daara noo coyira caalu gedeeti. Halaalu leellannohu kayinni Kiristoosinniiti.

QOLASIYAASI SOKKA 2:9

Maganimmate wo'milli baalu Kiristoosi manninati giddo leelle hee'ranno.

QOLASIYAASI SOKKA 3:4

Heeshsho'ne ikkinohu Kiristoosi leellanno yannara, ki'neno isi ledo ayirrinyunni leeltinanni.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

IBIRAAWOOTA 9:8

Umi dukkani noo geeshsha, Qullaawu Holgira massitanno doogo xaara xabbe leeltinokkita, Qullaawu Ayyaani kunni garinni leellishanno.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI PHEEXIROOSI 2:4

Kunnira heeshshote kincho ikkinohuwa Mootichu Yesuusiwa shiqqe; kuni kinchi mannu mishe agurinoho; Maganu kayinni doorinosihonna ayirrisinosiho.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

UMI YOHAANNISI 1:8

«Cubbu dinonke» yinummoro umonke dongeemmo; halaaluno giddonke dino.

UMI YOHAANNISI 2:23

Beetto ammanannokkihura Maganu Annuno dinosi. Beetto ammanannohu Magano Annano ammananno.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

UMI YOHAANNISI 5:6

Cuuamasire kulanno waanna reyosire kultanno mundee haa're dayinohu Yesuusa Kiristoosaati. Isi waa calla ikkikkinni waanna mundee haa're dayino. Kuni coyi halaale ikkinota Qullaawu Ayyaani farci'ranno.

LAYINKI YOHAANNISI 1:9

Kiristoosi rosiisino garinni hee'rannokkihuranna isiwiinni xeerti'rannohura Maganu dinosi; Kiristoosi rosiisino garinni hee'rannohura Maganu Annunna Beettu noosi.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

YOHAANNIS AJUUJA 3:14

«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu:

YOHAANNIS AJUUJA 3:7

«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno: