YOHAANNISI 14:2 - Qullaawa Maxaafa

² Anni'ya mine lowo dargi no; hatto ikka hoogoommero, ‹Heedhinanni darga qixxeessate ha'reemmo› diyeemmo'ne.

YOHAANNISI 14:2 ပူးပေါင်းရင်းမြစ်များ

LUQAASI 14:22

Soqqamaanchuno hakkawoyintenni hige, ‹Mooticha'ya, hajajoottore baala wonshoommo; ikkollana xaano dargu gate no› yii.

YOHAANNISI 13:33

«Ooso'ya, ki'ne ledo lowo yanna dikeeshsheemmo; ki'neno hasidhinannie. Ayihudete gashshaanora, ‹Ani noommowa ki'ne daa didandiitinanni› yuummonsante gede, ki'nerano hatto yeemmo.

YOHAANNISI 13:36

Simiooni Pheexiroosi Yesuusa, «Mooticha, ha'rattohu hiikkiichiraati?» yee xa'misi. Yesuusi daware, «Ani ha'reemmowa, hoode'ya dagge diafatto; gedensaanni kayinni, hoode'ya daatto» yiisi.

YOHAANNISI 14:28

Coyi'ranna macciishshitininte gede ani ha'reemmo; galagaleno ki'newa dayemmo. Anni'ya anewiinni rooranno daafira, baxxinoomme"ero Anni'yawa ha'reemmota hagiidhitinanni.

YOHAANNISI 16:4

Balaxe konne ki'nera kuloommo'nehu yanna iillitanno woyite yoommo'nere qaagginaraati» yiinsa. Yesuusi lede, «Konne baala balaxe kuloommo'nekkihu ledo'ne noommo daafiraati.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

SOQQAMAASINETE LOOSO 9:16

Isi ane daafira yee lowo qarra adhannota egensiiseemmosi» yii.

LAYINKI QORONTOOSI 5:1

Hee'neemmohu baattote aani dukkani diigamiro, gordoho mannu mininoha ikkikkinni Maganu mininonkehu hegere mini noonketa egenninoommo.

UMI TESELONQE 5:9

Maganu hanqoho ikkikkinni, Mootichinke Yesuusi Kiristoosi widoonni hinge gato afi'nammora woshshinonke.

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

IBIRAAWOOTA 11:10

Hatto ikkinohu, jawaata safoha Maganu akeekinohanna minino katama agadhe noo daafiraati.

IBIRAAWOOTA 13:14

Ninke albillitte daara noo katama agadhine hee'noommo ikkinnina, geedote ikkanno katami tenne gobbara dinonke.

IBIRAAWOOTA 6:20

Kunni Qullaawu Minira Yesuusi Melketsedeqi gede kakkalaanchimmate hegereha Qeesootu Qara ikke, ninke daafira balaxe eino.

IBIRAAWOOTA 9:8

Umi dukkani noo geeshsha, Qullaawu Holgira massitanno doogo xaara xabbe leeltinokkita, Qullaawu Ayyaani kunni garinni leellishanno.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 21:2

Qullaawu katami haaro Yerusaalame, adhannosehura seesse qixxaabbino seemo gede ikkite gordunni Maganuwiinni dirritanna afummo.

YOHAANNIS AJUUJA 3:12

« ‹Qeelinoha Qullaawa Mine Magani'yahura tuuqo asseemmosi. Hakkunni ka'a hakkiinni horo difulanno. Magani'ya su'ma, Magani'yawiinni gordunni daannohunniha, haaru Magani'ya Katami Yerusaalamennihu su'manna aneha haaro su'ma aanasi borreesseemmo.

YOHAANNIS AJUUJA 3:21

« ‹Ani qeelle adhe Anni'ya ledo ayirradu barcimisira ofollummonte gede, qeelinohu ane ledo ayirradu barcimi'yara ofollanno gede asseemmosi.