YOHAANNISI 13:8 - Qullaawa Maxaafa

⁸ Pheexiroosino, «Ati ane lekka horontanni dihayishshatto» yii. Yesuusi qole, «Ani hayishsha hoogummohero ane ledo xaadu dinohe» yiisi.

YOHAANNISI 13:8 ပူးပေါင်းရင်းမြစ်များ

KALAQAMA 42:38

Yaiqoobino, «Beetti'ya ate ledo diha'ranno; amasi beetti rodiisi reenna isi callu gatino; doogote aana miteekke mite gawajjo iillitusiro, manchitunni kainohunni rahe geedhe waamma e"eemmo gede assitinaeraati» yii.

LAYINKI SAAMUEELI 20:1

Hakko Galgalaho mittu Saaba yinannihu yawaawulu manchi no. Annisi Bikiriiti; ilamasi Biiniyaami ga'reeti. Saaba, «Daawiti ledo noonkeri dino. Isseyi beetti ledo mayi xaadi noonke? Israeelete manni baalunku mini'nera higge!» yaanni buudu xurumba ufuufi.

UMI MOOTOOLLA 12:16

Israeelete manni baalu Roobiaami coyensa haa'ra giwinota afihu gedensaanni, «Daawitinna sirchisi ho'lonke! Insa ninkera ma"assite egentinonke? Israeele, qae qaekki higi! Roobiaamino woyyannosire ma'lo!» yee lallawi. Insano qae qaensa higgu.

FAARSO 51:2

Sao'ya baala hayishshite hoolie; cubbi'yanni keereensie;

FAARSO 51:7

Keeraa'meemmona, garambichunni wixie; kaadetenni roore waajji'reemmo gede hayishshie.

ISAYAASI 4:4

Kaaliiqi wolqasinni Yerusaalamete xurenna mundee hayishshe hoole keereensanno.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

MAATEWOOSI 16:22

Pheexiroosi Yesuusa bade qacce fushshe, «Mooticha, horontanni di"ikkanno! Kuni coyi atera iilloonkehe!» yee hayi yaate wo'naali.

MAATEWOOSI 21:29

Beettuno, ‹Giwummo diha'reemmo› yii. Gedensaanni kayinni gaabbe ha're loosino.

MAATEWOOSI 26:33

Hatte yannara Pheexiroosi, «Wolu baalu nafa kaadihero, ani diagudheemmohe» yee coyi'ri.

MAATEWOOSI 26:35

Pheexiroosi kayinni, «Reyano hasiissannoha ikkiro, ate ledo reemmo ikkinnina horontanni dikaadeemmohe!» yee kaajjishe coyi'ri. Wole rosaano baalano hatto yitu.

YOHAANNISI 13:6

Yesuusi Simiooni Pheexiroosiwa iillita isi, «Mooticha'ya, ati ane lekka hayishshattoraatini?» yii.

YOHAANNISI 13:9

Simiooni Pheexiroosino, «Mooticha'ya, hattootiro lekka'ya calla ikkikkinni anga'yano umo'yano hayishshie» yii.

YOHAANNISI 3:5

Yesuusino, «Halaale kuleemmohena, mannu wayinninna Qullaawu Ayyaaninni ilama hoogiro, Maganu gashshoote ea didandaanno.

SOQQAMAASINETE LOOSO 22:16

Xa mayiraati keeshshattohu? Gotti yite su'masi gantanni cuuami; cubbokkino hayishshi'ri!› yiinoe.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

EFESOONI SOKKA 5:26

Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

QOLASIYAASI SOKKA 2:18

Dogate joongillinninna sokkaasine magansi'ratenni adawadhannohu ayino mullawa gatisanno'nekki gede qorophe. Hattoo manchi, la"anno ajuujanni isonoo seekki'ranni kaphu hedo umisitenni naaxxanno.

QOLASIYAASI SOKKA 2:23

Mannu hedonni kalaqantino magansi'ranninna dogate joongillinni, mannimma qarrisa egenno labbanno. Mannimma qawaaxxidhannokki gede maalu halcho hoola kayinni mittoreno dikaa'litanno.

TIITO 3:5

ninke keeraanchimmanni ikkikkinni, isi maarosinni gatisinonke. Gatisinonkehuno haaro ilama hayishshi'ranninna Qullaawu Ayyaani widoonni afi'noommo haaroo'manniiti.

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.