YOHAANNISI 13:5 - Qullaawa Maxaafa

⁵ Waa gawatete wore rosaanosira lekka hayishsha hanafi. Halloho xaaxi'rino hoccinni fee mooshshinsa.

YOHAANNISI 13:5 ပူးပေါင်းရင်းမြစ်များ

KALAQAMA 18:4

Lekka hayishshidhinanniha shiima waa abbina'ne geeshsha, kunni caalira fooliishshidhe.

KALAQAMA 19:2

Qoleno, «Mootoolle'ya ballo! Ane borojjichi'ne minira ka'e; lekkano hayishshineenna'ne galtine, ga'a soodo guttine doogo'ne hadhinannina» yiinsa. Insano, «Dee'ni, konne gudumaaleholla galleemmo» yitu.

KALAQAMA 43:24

Manchuno Yooseefi roduuwa minira eesse, lekka hayishshidhanno waa uyinsa; harrensarano ittannore uyi.

LAYINKI MOOTOOLLA 3:11

Moote Iyosaafiixi, «Kaaliiqi yaannore kulannonkehu konniicho mittu himanaanchino dinoni?» yee xa'mi. Iyoraami olanto albisooti giddonni mittu, «Alba Eeliyaasira kaa'lannohu Saafaaxi beetti Elsai konniicho no» yii.

FAARSO 51:2

Sao'ya baala hayishshite hoolie; cubbi'yanni keereensie;

FULO 29:4

Aarooninna oososino Dukkanu xullichira haadhe abbite bisonsa hayishshi.

ISAYAASI 1:16

Haayishshidhine keeraabbe. Busha looso'ne baala albi'yanni hoolle. Sao assa agurre.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

LEEWAAWOOTA 14:8

«Keeraa'mino manchi imaanasi hayishshi'rona; dananchosi baala raawe meexxona; bisosino hayishshi're, seeru garinni keeraa'minoha ikkanno. Hakkunni gedensaanni, qachu giddora ea dandaanno; ikkollana kayinni, 7 barri geeshsha hee'ranno dukkana eikkinni gobbaanni keeshshona.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

LUQAASI 7:38

Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu.

LUQAASI 7:44

Hakkunni gedensaanni Yesuusi manchonniwa hige Simioonira, «Tenne mancho la"atto? Ani ate minira dayummonkunni lekka'yara waa nafa dioottoe. Ise kayinni lekka'ya hindiiddosenni hayishshite, umise dananchinni mooshshitino.

YOHAANNISI 13:10

Yesuusino, «Biso hayishshi'rinohu, bisisi baalu xuru nookkiha ikkino daafira, lekka hayishshi'ra agurranna wolere dihasiisannosi. Ki'ne fayyaaleeyyete; kayinnilla baalunku fayyaaleeyye di"ikkitinoonni» yiisi.

YOHAANNISI 13:6

Yesuusi Simiooni Pheexiroosiwa iillita isi, «Mooticha'ya, ati ane lekka hayishshattoraatini?» yii.

YOHAANNISI 13:8

Pheexiroosino, «Ati ane lekka horontanni dihayishshatto» yii. Yesuusi qole, «Ani hayishsha hoogummohero ane ledo xaadu dinohe» yiisi.

YOHAANNISI 19:34

Ikkollana olantote giddonni mittu Yesuusi midaado urdetenni qasi; midaadosi urdetenni qasita, mundeenna wayi fuli.

SOQQAMAASINETE LOOSO 22:16

Xa mayiraati keeshshattohu? Gotti yite su'masi gantanni cuuami; cubbokkino hayishshi'ri!› yiinoe.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

EFESOONI SOKKA 5:26

Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti.

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

UMI YOHAANNISI 5:6

Cuuamasire kulanno waanna reyosire kultanno mundee haa're dayinohu Yesuusa Kiristoosaati. Isi waa calla ikkikkinni waanna mundee haa're dayino. Kuni coyi halaale ikkinota Qullaawu Ayyaani farci'ranno.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.

EJJEETTO 19:21

Minira e'eenna harresirano ittannore uyi; insano lekka hayishshidhe sagaleno ittu.

UMI SAAMUEELI 25:41

Iseno alba higge kumbuultuhu gedensaanni, «Ani soqqamaanchosiiti; soqqamaanosi lekka nafa hayishshate qixxaawate» yitu.