YOHAANNISI 13:14 - Qullaawa Maxaafa

¹⁴ Xa ani Rosiisaancho'nenna Mooticha'ne ikke hee'renni lekka'ne hayishshummonte gede, ki'neno mimmiti'ne lekka hayishsha hasiissanno'ne.

YOHAANNISI 13:14 ပူးပေါင်းရင်းမြစ်များ

YOHAANNISI 11:2

Hatti Maariyaami Mootichaho shitto buurte, lekkasi dananchisenni fiitute. Dhiwaminohu Aliaazaari rodooseeti.

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

ROOMU SOKKA 12:10

Mimmiti'ne ledo rodiimmate baxillinni baxamme; mimmito'ne ayirrisate qolchamme.

ROOMU SOKKA 12:16

Mimmiti'ne ledo sumuu yitine heedhe; ki'nenee bokkeessa agurtine gadadaammu ledo aanne. «Ane ka'a egennaamu dino» yitooti.

UMI QORONTOOSI 12:3

Maganu Ayyaaninni coyi'ranni Yesuusa rumannohu dino. Qullaawu Ayyaaninni ikka hoogiro, «Yesuusi Mootichaho» yaannohu mittuno nookkita affinara kuleemmo'ne.

UMI QORONTOOSI 8:13

Iteemmo sagale rodoo'ya sarraaqqe tuggannoha ikkiro, rodoo'ya cubboho tugammontenni maalu horo gatoe.

LAYINKI QORONTOOSI 10:1

Ani Phaawuloosi ki'ne ledo noommo geeshsha jooge, ki'newiinni xeerti'reemmo woyite kayinni uggoommo'nehu, Kiristoosi shaqqillinninna danchummanni huucci'reemmo'ne.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.

GALATIYU SOKKA 5:13

Roduuwa'ya! Ki'ne borojjimmatenni fultinara woshshantinoonni. Ikkollana borojjimmatenni fula'ne mimmiti'nera baxillunni soqqantinannita ikkito ikkinnina, maalu yorto wonshitinannita ikkitoonke.

FILIPHISIYUSI SOKKA 2:11

Arrawu baaluno, «Yesuusi Kiristoosi Mootichaho» yee farci'ranni, Magano Annaho ayirrinye aanno.

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

UMI PHEEXIROOSI 4:1

Kiristoosi manninatisinni qarra adhino daafira, ki'neno tenne hedo olu uduunnichi gede assitine qodhe. Manninatisinni qarra adhinohu cubbo loosa agurinona.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.