YOHAANNISI 12:41 - Qullaawa Maxaafa

⁴¹ Isayaasi togo yiinohu Kiristoosi ayirrinye afino daafira, isire coyi'ranniiti.

YOHAANNISI 12:41 ပူးပေါင်းရင်းမြစ်များ

LUQAASI 24:27

Hakkunni gedensaanni Musenna himanaanote maxaaffanni kayise, Qullaawa Borro baalate giddo Isi daafira coyi'noonnire xawise kulinsa.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:18

Magano lae egenninohu ayino dino; ikkollana Magano ikkinohu Annu qote noohu mittu Beettisi egensiisinosi.

YOHAANNISI 14:9

Yesuusi daware, «Filiphoosi, kageeshshi geeshsha ledo'ne hee'ranna diafoottoe? Ane afinohu anna'yano afino. Ati hiitto, ‹Magano Anna leellishinke› yaatto?

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

SOQQAMAASINETE LOOSO 10:43

Iso amma'ninohu baalu su'misinni cubbu maaro afi'rannota himanaano baalanti farcidhino» yii.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

UMI PHEEXIROOSI 1:11

Insa giddo noohu Kiristoosi Ayyaani Kiristoosira iillanno qarranna qarru gedensaanni afi'ranno ayirrinye alba asse qummi assino. Insano kuni baalu ma yannaranna ma garinni ikkannoro buuxxino.

YOHAANNIS AJUUJA 19:10

Ani sokkaasincho magansi'rammora lekkasira woroonni kumbuulummo. Isi kayinni, «Qorophi togo ikkitooti! Anino atenna Yesuusi uyino halaale amaddinori roduuwikki ledo soqqamaanchootina, Magano magansi'ri! Yesuusi xawisino halaali, himanaano jawaachishannoho» yiie.