YOHAANNISI 11:52 - Qullaawa Maxaafa

⁵² Reyannohu insa calluwaho ikkikkinni, billaallite noota Maganu ooso mittowa gamba assateeti.

YOHAANNISI 11:52 ပူးပေါင်းရင်းမြစ်များ

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

FAARSO 22:15

Kokke qa'a yite mooltue; arrawi'ya ga'roho qa'mie. Shinoonnihu gede uulla tugge agurittoe.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 72:19

Galataminohu su'misi hegere hegerera maassamo; galatisino baatto baala wo'mo! Hamii'ni! Hamii'ni!

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 55:5

Ani Israeelete Qullaawi Magani'ne Kaaliiqi ayirrinye oommo'ne daafira, affinoonnikki gashshaano woshshitinanni; egentino'nekkirino namoomate rakke ki'newa dagganno» yii.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ISAYAASI 60:4

«Haxo gotti yite qooxeessikkira noo ikkito lai; baalunku gamba yite atewa dagganno. Labballiti oosokki xeertote gobbanni higganno; seennekkino bayi'ne haa'ne abbinanni.

HIZIQEELI 34:12

Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

LUQAASI 15:8

Yesuusi lede, «Tonne saante afidhino manchora mitte ba'usero ma assitanno? Caabbicho qasse mine fiite ba'ino saante afi'rate jaatanaabbe dihasidhanno?

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

YOHAANNISI 1:12

Haadhinosiriranna su'misinni amma'nitinorira kayinni, Maganu ooso ikkitanno gede roorre uyinsa.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 10:16

Tenne hoowe giddo nookkihu wolu ge'reewino nooe; insano abba hasiissannoe. Insano huuro'ya macciishshitanno. Mitte hoshsha ikkitanno; allaalaanchuno mitto ikkanno.

YOHAANNISI 12:32

Ani sutameemmo yannara baalanka anewa gamba asseemmo» yii.

SOQQAMAASINETE LOOSO 18:10

Ani ledokki noommo daafira, gawajjannohehunna miicannohehu dihee'rannona waajjitooti. Anera kunni katami giddo lowo manni nooe» yiisi.

ROOMU SOKKA 3:29

Woy Maganu Ayihudenniha calla ikkinoni? Dagannihano di"ikkino? Ee, Maganu wo'munkuho.

ROOMU SOKKA 4:17

Maganu Qaali giddo, «Lowo gosa anna assoommohe» yine borreessinoonni. Abirihaami, reyitinore kayisannohanna nookkiha hee'ranno gede assanno Magano amma'nino daafira, Maganu albaanni isi ninkera annankeeti.

EFESOONI SOKKA 1:5

Yesuusi Kiristoosinni oososi ikkineemmo gede Maganu alba asse hirqino.

EFESOONI SOKKA 3:11

Maganu konne Mootichinke Kiristoosi Yesuusi widoonni qole wonshinohu, hegere hedosi garinniiti.

YAIQOOBI 1:1

Gobba baalate billaallite noorira tonaa lamente Israeelete ga'rera, Maganunna Mootichu Yesuusi Kiristoosi soqqamaancho ikkoommohu ani Yaiqoobi soommo sokka. Keeru ki'ne ledo hee'ro.

UMI PHEEXIROOSI 1:1

Yesuusi Kiristoosi soqqamaasinchi ani Pheexiroosi, Manni gobba manna ikkitine Phanxoosi, Galaatiyaho, Qephedooqiyaho, Issiyahonna Biitaaniyaho billaallitine heedhinannirira,

UMI YOHAANNISI 2:2

Isi cubbonke agursiisanno; ninke cubbo calla ikkikkinni gobba baalate cubbi diigamannohuno isi widoonniiti.

UMI YOHAANNISI 3:1

«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

UMI YOHAANNISI 3:10

Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.

UMI YOHAANNISI 3:2

Jaalla'ya, xa ninke Maganu oosooti; hiittoore ikkineemmoro xaara dixawinsoonninke; Kiristoosi daanno waro kayinni, ayimmasi anfeemmo daafira, iso lambeemmota egenninoommo.

YOHAANNIS AJUUJA 5:9

Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,