YOHAANNISI 11:47 - Qullaawa Maxaafa

⁴⁷ Kunnira qeesootu roorrootinna Farisootu Songo woshshite gamba assite, «Kuni manchi lowo maalale loosanni noona, ma assino?

YOHAANNISI 11:47 ပူးပေါင်းရင်းမြစ်များ

MAATEWOOSI 26:3

Qeesootu roorrootinna geerru Qeesootu Roorrichi Qeyaafa yinannihu nafara gamba yitu.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

MAARQOOSI 14:1

Yihudaho Agure Sa"ate Ayyaananna Timu Ayyaana ayirrinsara, lamu barri gate hee'reenna, qeesootu roorrootinna Seeru rosiisaano Yesuusa amadde shitanno doogo hasidhanni no.

LUQAASI 22:2

Qeesootu roorrootinna Seeru rosiisaano manna waajjitino daafira Yesuusa amadde shitanno doogo hasidhanni no.

YOHAANNISI 11:57

Qeesootu roorrootinna Farisootu Yesuusa amaddara hasidhe, noowa afinohu hee'riro kulannonsa gede manna hajajju.

YOHAANNISI 12:19

Farisootu kayinni insa insanaawa, «Kune gobba baala isi hoode hadhanni no. Ninke mittoreno assa hoongoommowe!» yitu.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 6:2

Lowo manni Yesuusi dhiwamaasine hursatenni loosino maalale lae hoodesi ha'ri.

YOHAANNISI 7:32

Farisootu, mannu Yesuusire hashaashamanna macciishshitu. Kunnira qeesootu roorrootinna Farisootu Yesuusa amaddanno gede gaaddo sokku.

YOHAANNISI 7:45

Hakkunni gedensaanni agaraasine qeesootu roorrootiwanna Farisootunniwa marteenna, «Iso haadhine abba mayira gibbini?» yitunsa.

SOQQAMAASINETE LOOSO 5:21

Soqqamaasineno hajajante soodo Qullaawu Minira marte rosiissu. Hatte yannara qeesootu qarinna ledosi noori songote miillanna Yihudu geerri baalu mitteenni gamba yite, soqqamaasine usuru mininni fushshe abbanno gede manna sokku.

SOQQAMAASINETE LOOSO 5:24

Qullaawu Mini agaraasine hajajaanchinna qeesootu roorrooti konne coye macciishshite, «Kuni maati ikka?» yite amaddannore hooggu.