YOHAANNISI 11:24 - Qullaawa Maxaafa

²⁴ Maartano, «Goofimarchoho reyotenni ka'nanni barra ka"annota afoomma» yitu.

YOHAANNISI 11:24 ပူးပေါင်းရင်းမြစ်များ

FAARSO 17:15

Ani kayinni ate albaanni keeraancho ikkoommohura, baqqi yee ate afeemmo woyite kassi yeemmo.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

HOOSEI 13:14

Kunni ka'a tenne gosa jeennaate dirratannokki gede assate dihasi'reemmo. Reyotewiinnino diwodeemmonsa. Kunnira reyo, qoomamakki haadhe abbi! Jeennaate, baokki haadhe amo! Kunni ka'a konne manna horonta dimarareemmo.

HOOSEI 6:2

Lamu barri gedensaanni baqqi assannonke; sayikki barra kayisannonke. Albasiinnino lubbotenni hee'neemmo.

LUQAASI 14:14

Hatto assittoro, insa qola dandiitannokki daafira maassamatto. Keeraano ka'anno barrano Maganu bado qolannohe» yiisi.

YOHAANNISI 11:23

Yesuusino, «Rodiikki reyotenni ka"anno» yiise.

YOHAANNISI 6:39

Soyinoehu hedono, uyinoeha mittono hunummokkinni goofimarchu barra reyotenni kayiseemmo gedeeti.

YOHAANNISI 6:40

Anni'ya hedo, Beettisi widira la"annohunna Beettosi ammanannohu baalu hegere heeshsho afi'ranno gedeeti. Anino goofimarchu barra kayiseemmosi» yii.

SOQQAMAASINETE LOOSO 24:15

Anino insante gede Maganu cubbaataammanna keeraano reyotenni kayisanno hexxo afi'roommoho.

IBIRAAWOOTA 11:35

Meentu reyinohu fiixinsa reyotenni kaeenna afi'rino. Wolootu roore kao afi'rate yite, fafisidhe hee'ra gibbe gawajjante reyitino.