YOHAANNISI 10:2 - Qullaawa Maxaafa

² Waalchu widoonni hige eannohu kayinni ge'reewu allaalaanchooti.

YOHAANNISI 10:2 ပူးပေါင်းရင်းမြစ်များ

FAARSO 23:1

Kaaliiqi allaalaancho'yaati; hoogeemmori mitturino dino.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

ROSIISAANCHO 12:11

Egennaammu qaali, saada allaallanni siqqo qaraamete gedeeho; xaadinsoonni maammaashshi gobbe amaddanno misimaarra gedeeho. Kuri aamaminohuno, mittu allaalaasinchi Maganuwiinniiti.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 63:11

Hakkunni gedensaanni albita Muse yanna qaaggu; saadansa ledo baaru giddoonni qole sayisinsahu hiikki? Qullaawa Ayyaanasi giddonsa wori Magani hiikki?

HIZIQEELI 34:23

Soqqamaancho'ya Daawiti lawanno moote allaalete woreemmo; isino seekke allaalannonsa.

MIKIYAASI 5:5

Isino keerensa ikkanno. Asoori manni gobbanke horranno woyitenna qiishonke kade eanno woyite, manna agartannore 7 woy 8 olantote roorroota sonke olammeemmo.

ZAKKAARIYAASI 11:3

Shaqqadu saada hosiisidhanno dargi co'o yee bainohura, allaalaasine, «Woo!» yite wi'litanno. Yordaanoosi Laga doyisse noo dubbi baino daafira, doobbiyu ittananna macciishshe.

ZAKKAARIYAASI 11:5

Hidhino manni ge'reewo gorri'riro, qorichishannonsahu dino; hiri mannino, ‹Duroonsinonkehu Kaaliiqi galatamo› yaanno; uminsa allaalaasine nafa dimarartannonsa» yiinoe.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MAATEWOOSI 15:11

Manna lageessannohu mannu afiinni fulanno coyeti ikkinnina, afuu giddora eannore di"ikkino» yiinsa.

YOHAANNISI 10:14

«Danchu allaalaanchi aneeti; ani ge'reewo'ya egennoommo; ge'reewi'yano ane egenninoe.

YOHAANNISI 10:7

Yesuusi lede, «Halaale kuleemmo'nena, ani ge'reewu waalchooti.

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

UMI XIMOOTEWOOSI 4:14

Himana kullihe woyitenna cimeeyye anga aanaho wortuhe yannara uyinoonniheta atewa noota Maganu elto lashshi assitooti.

TIITO 1:5

Ate Qerxeesi aguroommohu, biddi yiinokki coye biddi assattonna hajajummohe garinni katammate beetekiristaanete cimeeyye dooratto gedeeti.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

UMI PHEEXIROOSI 2:25

Ki'ne baino ge'reewi gede ka'anna kawa raataabbinoonni; xa kayinni lubbo'ne allaalaanchiwanna agaraanchiwa higginoonni.

UMI PHEEXIROOSI 5:4

Konne coye agadhitiniro, Qaru Allaalaanchi daanno yannara ba'annokkita ayirrinyu ba'latto adhitinanni.

YOHAANNIS AJUUJA 1:20

Qiniiticho anga'yara la'anni noottori, lamala beeddakkonna culkunni seekkinoonnihu lamalu caabbiyye worranni uduunni tiro kunninni aante noote: Lamala beeddakko lamalante beetekiristaane sokkaasineeti. Culkunni seekkinoonnihu lamalu caabbiyye worranni uduunni lamala beetekiristaaneeti» yiie.