YOHAANNISI 10:14 - Qullaawa Maxaafa

¹⁴ «Danchu allaalaanchi aneeti; ani ge'reewo'ya egennoommo; ge'reewi'yano ane egenninoe.

YOHAANNISI 10:14 ပူးပေါင်းရင်းမြစ်များ

FAARSO 1:6

Kaaliiqi keeraanote doogo bade egenninona, bushuullu doogo kayinni baote haadhe hadhanno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

NAHOOMI 1:7

Kaaliiqi shaqqadoho, qarru yannarano mannisira dancha kaajjado maaxammanni dargaati. Isiwa eeggo e'annore baalanka agarannonsa.

YOHAANNISI 10:11

«Ani dancha allaalaanchooti. Danchu allaalaanchi lubbosi ge'reewoho sayise aanno.

YOHAANNISI 10:13

Allaalaanchu agure xooqannohu kiranya ikkinohuraatinna ge'reewoho diinaggaawannokki daafiraati.

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 17:8

Oottoe qaale oommonsa; insano adhitino. Ani atewiinni dayommota seekkite affino. Ati soottoetano ammantino.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

EFESOONI SOKKA 1:17

Ayirradu Anni Mootichinke Yesuusi Kiristoosi Magani, leddine buuxxinannisi gede, egennonna go'lino coye leellishanno Ayyaana aanno'ne gede huucci'reemmo.

EFESOONI SOKKA 3:19

konne gudinse afa dandiinannikkiha Kiristoosi baxille affinaranna gudisantine Maganu suudinni wo'mitinanni gede huucci'reemmo.

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

LAYINKI XIMOOTEWOOSI 1:12

Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 2:13

Sheexaanu gashshe noo gobbara hee'rattota afoommo. Anera ammanaminoha Antiphaasi Sheexaanu hee'rannowa ki'ne katamira shini woyite nafa, su'ma'ya seekkite cu'mi'rootto; amma'nakki facci assite diagurootto.

YOHAANNIS AJUUJA 2:19

Loosokkinna baxillekki, amma'nakkinna soqqanshokki, cincakkinna albinni roore loosootto looso afoommo.

YOHAANNIS AJUUJA 2:2

Loosokkinna daafurokki cincakkino afoommo. Bushuulle sammi yite la"attokkita, soqqamaasine ikkitukkinni, «Ninke soqqamaasinete» yitannore fonqolte la'e, kaphaasine ikkansa badoottota afoommo.

YOHAANNIS AJUUJA 2:9

Qarrakkinna buximakki afoommo; ikkollana ati dureessaho. Ayihude ikkitukkinni, «Ninke Ayihudete» yitannori, Sheexaanu gaamora miilla ikkitinori xontannohe xono afoommo.

YOHAANNIS AJUUJA 3:1

«Serdeesi Katamira noo beetekiristaane sokkaasinchira, «Lamala Maganu ayyaannanna lamala beeddahe noosihu: Loosokki afoommo; su'ma lubbotenni nootto; kayinni reyottoho.

YOHAANNIS AJUUJA 3:15

Loosokki afoommo. Woy diqiidootto woy di"iibbootto. Qiidoottoro woy iibboottoro woyyate.

YOHAANNIS AJUUJA 3:8

Loosokki afoommo; kune ayino cufa dandaannokkiha fa'namino waalcho albakkiinni woroommo. Wolqakki shiima ikkitinota afoommo; ikkirono qaale'ya agadhootto; su'ma'yano dikaadootto.