YOHAANNISI 1:5 - Qullaawa Maxaafa

⁵ Xawaabbu tunsichoho xawanno; tunsichuno horontanni diqeelinosi.

YOHAANNISI 1:5 ပူးပေါင်းရင်းမြစ်များ

LAWISHSHA 1:22

Iseno, «Ki'ne egenno xe'ino'neri, hambe'nenni heedhinannihu mamooti geeshshaati? Egennote aana haariintinannihu mamooti geeshshaati? Egenno gibbinannihuno mamooti geeshshaati?

MAATEWOOSI 5:15

Caabbicho xawinse ka'ne mine wo'mankawa xawanno gede tuuqu aana usurranni ikkinnina aanaho gawate gombisannohu dino.

YOHAANNISI 1:10

Isi alamete aana no; alameno isinni kalaqantino. Alame kayinni diegentinosi.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

UMI QORONTOOSI 2:14

Ayyaana afi'rinokki manchi kayinni, tenne gowwimmate kiiranno daafira Maganu Ayyaani aanno elto adha didandaanno. Maganu Ayyaaninni xiinxallinanni coye ikkino daafira, buuxa didandaanno.