YOHAANNISI 1:29 - Qullaawa Maxaafa

²⁹ Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 1:29 ပူးပေါင်းရင်းမြစ်များ

FULO 28:38

Aarooni albi aana worteenna, Israeelete manni afansha shiqishanno yannara sao assiro, saonsara Aarooni xa'mameenna, ani afanshansa adheemmo gede kuni malaati albisi aana hee'rona.

ISAYAASI 53:10

Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 53:7

«Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

LEEWAAWOOTA 10:17

«Cubbo agursiisate shiqinshoonni kakkalo Dukkanaho gobbaanni qullaawa darga massitine mayira ita gibbini? Tini sagale lowo geeshsha qullaawate. Kaaliiqi Israeelete manni cubbo agurate uyino'nete.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

KIIRO 18:1

Kaaliiqi Aaroonira, «Qullaawu Dukkanira kalaqantanno saora ati, oosokkinna Leewaawootu xa'mantinanni. Qeesimmate soqqansho giddo kalaqantanno saora kayinni atinna oosokki calluwu xa'mantinanni.

KIIRO 18:23

Dukkanu giddo looso Leewaawootu callu loossanno. Hakko kalaqantanno saorano insa xa'mantanno. Kunino dagganno ilama baalate hegere seeraati. Kunnira Leewaawootaho Israeelete mereero iqqu dihee'rannonsa.

KIIRO 21:9

Museno camote hamashsho seekke haqqu aana suti. Hamashshu qasinohu baalu camote hamashshi widira hige lae gati.

MAATEWOOSI 1:21

Ise labbaa beetto iltanno; isi mannasi cubbunni gatisanno daafira su'masi Yesuusa yite fushshatto» yiisi.

MAATEWOOSI 20:28

Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.

YOHAANNISI 1:35

Layinki soodono Yohaannisi lame rosaanosi ledo hakko uurre no.

YOHAANNISI 1:36

Yohaannisi, Yesuusi hakkaanni hige sa"anna afe, «Maganu Wilii'lichi kuneeti» yii.

YOHAANNISI 1:43

Layinki soodo Yesuusi Galiila ha'rara kai. Filiphoosinni xaade, «Hoode'ya amo!» yiisi.

YOHAANNISI 2:1

Sayikki barra Galiilaho Qaana yinanni katamira adhatenna adhamate jili no. Yesuusi amano hakkiicho no.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 4:42

Manchoteno, «Xa ninke iso amma'ninoommohu, ati kuloottankehura ikkikkinni, ninke uminke macciishshinoommo daafiranna isi addinta alamete gatisaancho ikkinota buunxoommo daafiraati» yitu.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

SOQQAMAASINETE LOOSO 13:39

Iso ammaninohu baalu, Muse Seeri tirate dandiinokki cubbi baaluwiinni fule wolaphanno.

SOQQAMAASINETE LOOSO 8:32

Nabbawanni noo maxaafi gafi, «Isi gorrinara haa'ne ha'nanni ge'rechi gede, orda hanxanna sammi yaanno wilii'lichi gede, afoo fa'nannokkiha sammi yiino.

UMI QORONTOOSI 15:3

Ani adhoommoha qara coye ki'nera sayisoommo. Hakkuno qullaawa borro giddo Kiristoosi ninke cubbi daafira ree,

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

GALATIYU SOKKA 1:4

Maganu Anninke hedino garinni, tenne busha yannara gatisankera ninke cubbira yee umosi reyote sayise uyino.

GALATIYU SOKKA 3:13

Maganu qaali, «Haqqu aana sutame reyinohu baalu rumammoho» yiinonte gede, Kiristoosi ninkera yee rumaminoha ikke, Seeru rumo giddonni wodinonke.

UMI XIMOOTEWOOSI 2:6

Manna baala cubbuwiinni gatisate, umosi wodote sayise uyinohu isooti. Kuni coyi ikkinohu, agarroonni yanna iillitanno woyite, Maganunniha gatisate looso leellishate naqaashshete.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 2:17

Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI PHEEXIROOSI 1:19

Ki'ne wondoonnihu kullannire woy minshannire afi'rinokki ge'rechite gedeetenni ayirrado Kiristoosi mundeenniiti.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

UMI YOHAANNISI 2:2

Isi cubbonke agursiisanno; ninke cubbo calla ikkikkinni gobba baalate cubbi diigamannohuno isi widoonniiti.

UMI YOHAANNISI 3:5

Isi cubbo hunara dayinota egentinoonni; isira cubbu dinosi.

UMI YOHAANNISI 4:10

Baxillu togooti; Magano ninke banxoommoha ikkikkinni, isi ninke baxe cubbonke agursiisate Beettosi soyinonke.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 12:11

Insa Ge'rechu mundeenninna, coyidhinohu farci'ransa qaalinni iso qeeltu. Lubbonsa marartukkinni umonsa reyote sayisse uyitino.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 14:1

Laeemmo woyite, Ge'rechu Tsiyooni Ilaali aana uurre nooha afummo. Isihanna Annisi su'ma albinsara borreessinoonniri 144,000 manni isi ledo no.

YOHAANNIS AJUUJA 14:10

Maganunnihura hanqu finiinchira worroonnita kaajjado woyinete xajje agganno. Qullaawa sokkaasinenna Ge'rechu albaanni giiranna ruqanu itannonsa.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 19:7

Ge'rechu jili iillinohuranna, adhanno seemo qixxaabbino daafira, amme hagiidhinona, tashshino yoonkena. Isirano ayirrinye uyino.

YOHAANNIS AJUUJA 19:9

Hakkunni gedensaanni sokkaasinchu, «‹Ge'rechu jili hurbaatira woshshantinori ba'raadhinoreeti› yite borreessi!» yiie. Lede, «Tini halaalaancho Maganu sokkaati» yiie.

YOHAANNIS AJUUJA 21:14

Kinchu huxxi tonaa lame safote kincho afi'rino. Tonaalamente safo aana tonaa lamenka Ge'rechu soqqamaasine su'ma borreessinoonni.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.

YOHAANNIS AJUUJA 21:9

Lamala sokkaasine giddonni mittu, goofimarchunniri lamalu qoomami wo'mitinota lamala gabate anga haa're anewa daye, «Amo! Ge'rechu minaama ikkitino idayicho leellisheemmohena» yiie.

YOHAANNIS AJUUJA 5:6

Hakkunni gedensaanni ayirradu barciminna shoolunku kalaqami mereeronna geerru giddo gorraminohu gede ikke uurre noo Ge'recho afummo. Kunni ge'rechira lamala buuddanna lamala ille noosi. Illuwanna buudda gobba baala sonkoonniti lamalanti Maganu ayyaannaati.

YOHAANNIS AJUUJA 5:8

Xaanxoonniha borrote goga haa'rita, shoolunku kalaqaminna lemiina shoolunku geerri Ge'rechu albaanni kumbuultu. Mittu mittunku anga bagana haadhe no. Qolteno qullaawu manni huuccatto ikkinohu hixaanu giddo wo'minoha culkunni seekkinoonni uduunnicho amadde no.

YOHAANNIS AJUUJA 6:1

Hakkunni gedensaanni Ge'rechu lamalu sumudi giddonni umi sumuda tiranna afummo. Hatte yannara shoolunku kalaqami giddonni mittu banqote gede xadhitanno qoonqonni, «Dagge lai!» yaanna macciishshummo.

YOHAANNIS AJUUJA 6:16

Ilaallatenna kinnate, «Ayirradu barcimira ofolle noohu albinninna Ge'rechu hanqinni aananke ubbine maaxxenke!

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.