YOHAANNISI 1:18 - Qullaawa Maxaafa

¹⁸ Magano lae egenninohu ayino dino; ikkollana Magano ikkinohu Annu qote noohu mittu Beettisi egensiisinosi.

YOHAANNISI 1:18 ပူးပေါင်းရင်းမြစ်များ

KALAQAMA 16:13

Aggaarano, «La"annoe Magano ille'yanni afe lubbotenni hee'rummanni?» yite, coyi'rinose Kaaliiqiha su'ma, «Eelirooi» yitu.

KALAQAMA 18:33

Kaaliiqino Abirihaami ledo hasaawa gudihu gedensaanni ha'ri. Abirihaamino minisira higi.

FULO 23:21

Ane su'minni daannoha ikkino daafira, yaanno'neta seekkitine macciishshe; isira gara gibbinoonte. Gara gibbiniro dimararanno'ne.

FULO 24:10

Israeelete Magano la'u. Lekkasira woroonni gordu gede xawannohu bulu kinchi no.

LAWISHSHA 8:30

Hatte yannara, iso ogimma'yanni kaa'loomma; wo'manka woyite iso hagiirsiisanni, barru barrunkunni tashshi yaannae hee'roomma.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ERMIYAASI QURTO 2:12

Hudidhenna goo'riite amuuwinsawa higge raartanno; madaanote gede dalagge doogo baalate ubbanno; amansa anga heedheenna lubbonsa fultanno.

KIIRO 12:8

Ani isi ledo xawoho hasaaweemmota ikkinnina, go'lino garinni dicoyi'reemmosi; isino ane illesinni la"anno. Ki'ne soqqamaancho'ya Muse hiitto seyattine, kunni garinni coyidhinisi?» yiinsa.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 12:41

Isayaasi togo yiinohu Kiristoosi ayirrinye afino daafira, isire coyi'ranniiti.

YOHAANNISI 13:23

Rosaanosi giddonni mittichu Yesuusi baxannosihu isira aane ofolle no.

YOHAANNISI 14:9

Yesuusi daware, «Filiphoosi, kageeshshi geeshsha ledo'ne hee'ranna diafoottoe? Ane afinohu anna'yano afino. Ati hiitto, ‹Magano Anna leellishinke› yaatto?

YOHAANNISI 17:26

Ati ane baxootto baxilli insawa hee'raranna anino insawa hee'reemmo. Insano ate egentara assoommo. Egentanno gede assa diagureemmo» yii.

YOHAANNISI 17:6

«Tenne gobbanni doorte oottoe mannira ate ewelumma egensiisoommo. Insa atereeti; insa anera oottoehu ateeti. Insano qaalekki wonshitanno.

YOHAANNISI 3:11

Halaale kuleemmohena, anfoommore kulleemmo; la'noommore farci'neemmo; ki'ne kayinni farci'ranke diadhitinanni.

YOHAANNISI 6:46

Maganuwiinni dayinoha agurranna Anna afinohu ayino dino. Anna afinohu iso callaati.

LAYINKI QORONTOOSI 4:4

Ammantinokkiri Maganu lawishsha ikkinohunniha Kiristoosiha Danchu Duduwi xawaabba ayirrinyunniha affannokki gede, wodanansa tenne gobba magani beeshshino.

MARRO 4:12

Hattono Kaaliiqi giirate giddo hee're coyi'rino'ne. Huuro calla macciishshitinoonnita ikkinnina dana diaffinoonni.

QOLASIYAASI SOKKA 1:15

Kiristoosi illete leellannokki Maganira halaalaancho lawishshaati. Isi kalaqamu baalunkura umiidiho.

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

IYYAASU 5:13

Iyyaasu Iyyaarko mule hee'reenna, bise amadinohu mittu wedellichi hedeweelcho albasiinni uurre nooha afi. Iyyaasuno isiwa shiqqi yee, «Ati ninke manchootinso diinnanke garooti?» yee xa'mi.

UMI YOHAANNISI 4:12

Magano illetenni afinohu ayino dino; mimmitonke banxummoro, Maganu giddonke hee'ranno; baxillisino ninke giddo guuta ikkanno.

UMI YOHAANNISI 4:20

«Magano baxeemmo» yaanni rodoosi giwannohu, kaphaanchoho; la"anni nooha rodoosi baxinokkihu illetenni afinokkiha Magano hiitto asse baxa dandaanno?

UMI YOHAANNISI 4:9

Ninkera Maganu baxilli xawinonkehu kunninniiti; isi widoonni heeshsho afi'neemmo gede, Maganu afi'rinoha mitto Beettosi tenne gobba soyino.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.