YOHAANNISI 1:17 - Qullaawa Maxaafa

¹⁷ Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 1:17 ပူးပေါင်းရင်းမြစ်များ

KALAQAMA 22:18

Anera hajajamoottohura baattote aana noo manni baalunku sirchikkinni maassamanno» yiisi.

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

FAARSO 85:10

Bagamannokkihu baxillikkinna halaalu xaaddanno; keeraanchimmanna keeru sunqantanno.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 5:45

Ani ki'ne Anni'ya albaanni diabbooshshi'reemmo'ne. Ki'ne abbooshshi'rannohu ki'ne hawaqidhine heedhinannihu Museeti.

YOHAANNISI 7:19

Muse Seera diuyino'ne? Giddo'ne kayinni hakkonne seera wonshannohu mittuno dino. Ki'ne ane shitinara mayira hasidhinanni?» yee qolinsa.

YOHAANNISI 8:32

Halaale affinanni; halaaluno borojjimmatenni fushshanno'ne» yiinsa.

YOHAANNISI 9:29

Maganu Musera coyi'rinosita anfoommo; kuni maminni dayinohoro dianfoommo» yitusi.

SOQQAMAASINETE LOOSO 28:23

Xaaddanno barra amaxxite hadhe, kiirono lexxite isi noowa ka'e daggu. Isino soodinni hawarro geeshsha Maganu gashshootire farci'ranni hedosi xawise kulinsa. Insa ammanchiishate Muse Seerinna himanaanote borro giddo noo coye kulanni Yesuusire egensiisinsa.

SOQQAMAASINETE LOOSO 7:38

Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.

ROOMU SOKKA 6:14

Ki'ne eltote anga heedhinoonnita ikkinnina, Seeru anga heedhinoonnikki daafira, cubbu digashshanno'ne.

LAYINKI QORONTOOSI 1:20

Maganu uyinonke hexxo baala «Ee» yaamantannohu Kiristoosinniiti. Maganu ayirrinyira Kiristoosi widoonni qolle, «Hamii'ni» yineemmohu kunniraati.

GALATIYU SOKKA 3:17

Xa ani yeemmoti, 430 diri gedensaanni uyinoonni Seeri, Maganu egenne eino gondooro diiganna hexxote qaale huna didandaanno.

MARRO 33:4

Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.

MARRO 4:44

Muse Israeelete mannira Maganu woganna seera uyinsa.

MARRO 5:1

Muse Israeelete manna baalanka woshshe, «Israeele, techo barra macca'nera kuleemmo'neta woganna seera macciishshe; buuxxe; seekkitine agadhe.

IBIRAAWOOTA 9:22

Muse Seeri garinni shiima coye calla agurranna hakkuyi ka'i coyi baalu mundeetenni keeraa'manno. Mundee du'nantukkinni cubbunni dikeeraa'minanni.