YOHAANNISI 1:14 - Qullaawa Maxaafa

¹⁴ Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:14 ပူးပေါင်းရင်းမြစ်များ

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

FAARSO 45:2

Ati manna baala roore xumaati; Maganu maassi'rinohe daafira, hasaawikki coommannoha ikkino.

FAARSO 85:9

Ayirrinyisi baattonkera hee'ranno gede, isino ayirrissannosire gatisate qixxaawaho.

ISAYAASI 40:5

Hatte yannara Kaaliiqi ayirrinyi leellanno; coyi'rinohu Kaaliiqa ikkino daafira, konne coye mannu baalunku illesinni la"anno.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

HIZIQEELI 37:27

Anino hakkiicho insa ledo hee'reemmo. Ani Maganonsa ikkeemmo; insano manna'ya ikkitanno.

MAATEWOOSI 1:16

Yaiqoobi Yooseefi ilino; Yooseefi Yesuusi Kiristoosa iltu Maariyaamira minaannaati.

LUQAASI 2:11

Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

LUQAASI 2:7

Hakkiicho heedhe bayira beettose iltu; wosinu galanno dargi nookki daafira, hoccunni xaaxxe hoowete saadate hayisso worranni badiri aana goxissu.

LUQAASI 9:32

Hatte yannara Pheexiroosinna ledosi noori goxxe no. Baqqi yitanno woyite, Yesuusi ayirrinyenna ledosi noore lame manna affu.

YOHAANNISI 1:1

Umo Qaalu no. Qaaluno Maganu ledo no. Hakku Qaalino Maganoho.

YOHAANNISI 11:40

Yesuusino, «Ammanittaha ikkiro Maganu ayirrinye la"atta diyoommohe?» yiise.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 14:9

Yesuusi daware, «Filiphoosi, kageeshshi geeshsha ledo'ne hee'ranna diafoottoe? Ane afinohu anna'yano afino. Ati hiitto, ‹Magano Anna leellishinke› yaatto?

YOHAANNISI 17:22

Ninke mitto ikkinoommonte gede, insano mitto ikkitara, anera oottoe ayirrinye oommonsa.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 3:18

Iso amma'nannohura busha yoo diyinannisi; iso amma'nannokkihura kayinni mitto Maganu Beetto amma'nannokki daafira busha yoo yineennasi no.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

YOHAANNISI 8:32

Halaale affinanni; halaaluno borojjimmatenni fushshanno'ne» yiinsa.

SOQQAMAASINETE LOOSO 13:33

Yesuusa reyotenni kayisasinni, ninke oosonsara hattenne hexxo wonshino. Kuni ikkinohu layinki faarso aana, ‹Ati Beetto'yaati; Ani techo iloommohe› yine borreessinoonni garinniiti.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.

UMI QORONTOOSI 15:47

Umi Addaami baattote bushshinni kalaqamino; layinki Addaami gordunni dayinoho.

LAYINKI QORONTOOSI 12:9

Isi kayinni, «Ane wolqa guutte leeltannohu ate wolqiweelle aana ikkinohura elto'ya ikkitannohe» yiinoe. Kunnira Kiristoosi wolqa aana'ya fooliishshidhanno gede, albinni roorse wolqiweelle'yanni naaxxa baxeemmo.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

QOLASIYAASI SOKKA 1:19

Kuni ikkinohuno, wo'ma maganimmasi Beettisi aana heedhanno gede Maganu Annu hedo ikkitinohuraati.

QOLASIYAASI SOKKA 2:3

Hayyotenna egennote jiro dahaabbe noohu Kiristoosiwaati.

QOLASIYAASI SOKKA 2:9

Maganimmate wo'milli baalu Kiristoosi manninati giddo leelle hee'ranno.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 1:5

Maganu, «Ati Beetto'yaati, techo iloommohe» woy, «Ani anna ikkeemmosi, isino Beetto'ya ikkanno» yiinohu hiikko sokkaasinchiraati?

IBIRAAWOOTA 10:5

Kunnira Kiristoosi tenne alame daanni hee're Maganoho, «Kakkalonna fushshaate dihasi'rootto; mannimma kayinni qixxeessoottoe.

IBIRAAWOOTA 2:11

Manna qullaawa assannohunna qullaawa ikkanno manni mittu Anni oosooti. Kunni daafira Yesuusi insa, «Roduuwa'ya» yaa difokkanno.

IBIRAAWOOTA 5:5

Kiristoosino Qeesootu Qara ikkate ayirrinye umisinni diadhino. Qeesootu Qara ikkate ayirrinye, «Ati Beetto'yaati; ani techo iloommohe» yiino Magani uyinosi.

UMI YOHAANNISI 4:14

Ninkeno la'noommo; Maganu Annu Beettosi tenne gobba Gatisaancho asse soyinota farci'neemmo.

UMI YOHAANNISI 4:9

Ninkera Maganu baxilli xawinonkehu kunninniiti; isi widoonni heeshsho afi'neemmo gede, Maganu afi'rinoha mitto Beettosi tenne gobba soyino.

LAYINKI YOHAANNISI 1:7

Yesuusi Kiristoosi manna ikke dayinota ammantannokkiri lowo so'risiisaano ka'e no; kuri so'risiisaanotenna Kiristoosa qoxxissannoreeti.

YOHAANNIS AJUUJA 19:13

Isi mundeete giddo cuu'noonni uddano uddi're no; su'masi, «Maganu Qaaleeti» yinanni.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.