YOHAANNISI 1:11 - Qullaawa Maxaafa

¹¹ Isi isiriwa dayino; isiri kayinni dihaadhinosi.

YOHAANNISI 1:11 ပူးပေါင်းရင်းမြစ်များ

MAATEWOOSI 15:24

Isino, «Ani soqqame dayommohu Israeelete giddonni ge'reewu gede ikke ballehino manniraatilla» yee dawari.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

YOHAANNISI 1:10

Isi alamete aana no; alameno isinni kalaqantino. Alame kayinni diegentinosi.

YOHAANNISI 1:12

Haadhinosiriranna su'misinni amma'nitinorira kayinni, Maganu ooso ikkitanno gede roorre uyinsa.

YOHAANNISI 19:27

Hakkunni gedensaanni rosaanchohono, «Amakki kuneeti» yiisi. Hatte yannara rosaanchu ise haa're minisira ha'ri.

YOHAANNISI 3:32

Isi lainorenna macciishshinore farci'ranno. Ikkollana isi farci'rinore adhannohu dino.

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

SOQQAMAASINETE LOOSO 13:46

Phaawuloosinna Barnabaasi bashshi assitukkinni, «Balanxe ki'nera Maganu qaale kula hasiissanno. Ki'ne kayinni gibbine ‹hegere heeshshono dihasiissannonke› yitine murcidhiniro, ki'ne agurre daganniwa ha'neemmo.

SOQQAMAASINETE LOOSO 21:6

Keerunni yinummonsahu gedensaanni ninke yowolo e'neenna insa mininsara higgu.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.

ROOMU SOKKA 9:1

Kiristoosinni noommo daafira halaale coyi'reemmo ikkinnina dikapheemmo. Kapheemmokkita Qullaawu Ayyaani massagannohu tii"i'ya kulannoe.

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.