YOHAANNISI 1:1 - Qullaawa Maxaafa

¹ Umo Qaalu no. Qaaluno Maganu ledo no. Hakku Qaalino Maganoho.

YOHAANNISI 1:1 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

FAARSO 45:6

Magano! Mootimmakki hegerete; mannakki halaalunni gashshatto.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

LUQAASI 24:53

Magano galaxxitanni barru baala Qullaawu Mininni baxxitukkinni heedhu.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:18

Magano lae egenninohu ayino dino; ikkollana Magano ikkinohu Annu qote noohu mittu Beettisi egensiisinosi.

YOHAANNISI 1:2

Qaalu umonni Maganu ledo no.

YOHAANNISI 16:28

Anni'yawiinni daye tenne gobba eoommo; galagale tenne gobba agure Anni'yawa ha'reemmo» yii.

YOHAANNISI 17:5

Anna'ya, kalqe kalaqantara albaanni, atewa nooe ayirrinyinni xaano ayirrisie.

YOHAANNISI 20:28

Toomaasino, «Mooticha'ya! Magano'ya!» yii.

YOHAANNISI 8:58

Yesuusino, «Halaale kuleemmo'nena, Abirihaami ilamara albaanni ani noommo» yii.

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.

EFESOONI SOKKA 3:9

Qoleno albi yannara wo'manka kalaqino Magani maaxe worino coyi hiitto ikke leellannoro baalunkura xawise kuleemmo gede elto uyinoonnie.

FILIPHISIYUSI SOKKA 2:6

Isi Maganu dana afi're hee'renni, afi'rino wolqa ku'le, Maganu ledo taalamara dihasi'rino.

QOLASIYAASI SOKKA 1:15

Kiristoosi illete leellannokki Maganira halaalaancho lawishshaati. Isi kalaqamu baalunkura umiidiho.

QOLASIYAASI SOKKA 1:17

Isi baalunku coyira albaanni no; baalunku coyi mimmito amade uurrinohu isinniiti.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 13:8

Yesuusi Kiristoosi be'rono techono hegere geeshsha isoontilla.

IBIRAAWOOTA 7:3

Melketsedeqira annunna ama, woy ilamate kiiro dinosi. Dirisirano hanafo, heeshshosirano gawalo dino. Kuni Melketsedeqi Maganu Beetti gede hegerera qeesicha ikke hee'ranno. Melketsedeqi Saalemi yinanni gobba mooteetinna ayirradu Magani kakkalaanchooti; kuni Melketsedeqi Abirihaami mootoolla qeele higi yannara doogo xaade maassi'rinosi.

LAYINKI PHEEXIROOSI 1:1

Yesuusi Kiristoosi soqqamaanchonna soqqamaasincho ikkinohu Simiooni Pheexiroosiwiinni, Maganinkenna Gatisaanchinke Yesuusi Kiristoosi keeraanchimma widoonni afi'noommo ammana gedeeta ayirrado ammana afidhinoonnirira:

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

UMI YOHAANNISI 5:7

Farcidhannori sasu no;

YOHAANNIS AJUUJA 1:11

«La'anni noottore maxaafaho borreessite, Efesooni, Semirineesi, Phergamooni, Tiyaxiroosi, Serdeesi, Filidelfiyahonna Lodooqiyaho nootera lamalante beetekiristaanera soyi!» yiie.

YOHAANNIS AJUUJA 1:17

Iso laummo woyite, reyino manchi gede ikke lekkasi hunda uwummo. Isi kayinni qiniiticho angasi aana'ya wore, «Waajjitooti; umihunna gedenihu,

YOHAANNIS AJUUJA 1:2

Yohaannisino afino coye baala, Maganu qaalenna Yesuusi xawisino halaale farci'rino.

YOHAANNIS AJUUJA 1:8

Noohunna hee'rinohu, daannohuno, Wo'manka Dandaanno Magani Kaaliiqi, «Albihunna Gedensihu aneeti» yaanno.

YOHAANNIS AJUUJA 19:13

Isi mundeete giddo cuu'noonni uddano uddi're no; su'masi, «Maganu Qaaleeti» yinanni.

YOHAANNIS AJUUJA 2:8

«Semirineesi Katamira noo beetekiristaane sokkaasinchira, « ‹Ree kae heeshshonniha ikkinohu, albihunna gedensihu:

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:13

Umihunna Goofimarchunnihu, Albihunna Gedensihu, Hanafonnihunna Jeefonnihu aneeti» yii.

YOHAANNIS AJUUJA 3:14

«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu: