YIHUDA 1:8 - Qullaawa Maxaafa

⁸ Kuni mannino haaqeensa hoode hadhanni manninatensa batteessitanno. Gashshaanono diayirrissanno; gordoho ayirrinye afidhinoreno xontanno.

YIHUDA 1:8 ပူးပေါင်းရင်းမြစ်များ

KALAQAMA 3:5

Maganu hatto yiinohu, hattenne haqqicho laalo ittinanni barra ille'ne fa'nitannotanna isi gede danchanna busha baddine affinannire ikkitinannita afinohuraati» yiise.

FULO 22:28

«Magano xontinoonte; gashshanno'neha runtinoonte.

LAWISHSHA 30:11

Annansa runtannorinna, amansano naaddannokki ilama no.

LAWISHSHA 30:17

Annasi arrassannohanna amasi mishannoha, illesi haraqeeyye kurkurtanno; maalasino allaatte ittanno.

ROSIISAANCHO 10:20

Coyekki massite kultanno cea heedhanno daafira, wodanikkinni nafa moote bushiishshooti; ma'nakkira heedhe nafa dureessa runtooti.

KIIRO 16:3

Musewanna Aarooniwa dagge, «Ki'ne quwa mayira sa'inanni? Mannu baalunku qullaawaho. Kaaliiqi ninke ledono noowe. Wo'munku coyira ki'ne calluwu albaanni mayira sa'inanni?» yitunsa.

LUQAASI 11:25

Galagale daye mine feyame biifinoha afanno.

LUQAASI 12:11

Xaadu minira haadhe hadhu'nero gashshaanotenna roorrootu albira massitu'nero, ‹Ma dawarreemmo? Hiitto assine coyi'neemmo?› yitine yaaddinoonte.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

SOQQAMAASINETE LOOSO 23:5

Phaawuloosino, «Roduuwa'ya, qeesootu qara ikkinota diafoommo. ‹Gashshinohu aana busha coyidhooti!› yine borreessinoonnina» yii.

SOQQAMAASINETE LOOSO 7:27

Roduu ledo giwamanni noohu Muse ka'a qole tuge, ‹Ate ninkera gashshaanchonna yoo yaattoha asse worinohehu ayeti?

SOQQAMAASINETE LOOSO 7:39

«Annuwanke kayinni hajajama gibbinosi; wodaninsanni galagalte Gibitse higgara halchitino.

UMI QORONTOOSI 3:17

Maganu mine diigannoha, Maganu diiganno. Maganu Mini Qullaawaho; hakku Qullaawu Minino ki'neeti.

UMI TESELONQE 4:8

Kunnira tenne seejjo giwannohu, manna giwannoha ikkikkinni Qullaawa Ayyaanasi aanno'neha Magano giwinoho.

UMI XIMOOTEWOOSI 1:10

Foortannoriranna labbaahu ledo akkimaltanno labballira, manna hirtannorira, kaphaasinete, kaphunni xaartannoriranna halaalaancho roso gibbannoriraati.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

UMI PHEEXIROOSI 2:17

Manna baala ayirrisse; roduuwa baxxe; Magano waajje; moote ayirrisse!