YIHUDA 1:20 - Qullaawa Maxaafa

²⁰ Ki'ne kayinni jaalla'ya! Wo'munkurinni roorsitine qullaawa amma'no'nenni umo'ne keereensi'rate jawaatte; Qullaawu Ayyaaninni huuccidhe!

YIHUDA 1:20 ပူးပေါင်းရင်းမြစ်များ

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

SOQQAMAASINETE LOOSO 15:9

Wodanansa ammanatenni keereensino daafira, ninkenna insa mereero badooshshe diworino.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

SOQQAMAASINETE LOOSO 6:7

Kunni garinni Maganu qaali lede lede hala'lino daafira, Yerusaalamete ammanaanote kiiro lowo geeshsha batidhu. Lowo geeshsha batinyu qeesootino ammana adhitu.

SOQQAMAASINETE LOOSO 9:31

Yihudaho, Galiilahonna Samaariyaho noo beetekiristaane keere afidhe hagiidhitu. Magano waajjatenninna Qullaawu Ayyaaninni jawaatte hala'litu.

ROOMU SOKKA 15:2

Mitti mittinke, ledo ammanaasine amma'natenni dhaawate danchanna hagiirsiisannonsa coye assino.

ROOMU SOKKA 8:15

Kunnira, «Anna Annaanna» yitine woshshidhinanniha oosichimmate Ayyaana adhitinoonni ikkinnina, galagaltine waajjatenni heedhinanni gede borojjimmate ayyaana diadhitinoonni.

UMI QORONTOOSI 1:8

Mootichinke Yesuusi Kiristoosi daanno barra xe'o nookkire ikkitinanni gede, isi goofimarchu geeshsha kaajjitine heedhinannire assanno'ne.

UMI QORONTOOSI 10:23

Baalankare fajjinoonni; baalunkuri kayinni kaa'lannoha di"ikkino. Baalankare fajjinoonni; baalunkuri kayinni dhaawannoha di"ikkino.

UMI QORONTOOSI 14:15

Hatto ikkiro ma assa woyyitannoe? Ayyaani'yanni huucci'reemmo; surre'yannino huucci'reemmo; ayyaani'yanni faarsi'reemmo; surre'yannino faarsi'reemmo.

UMI QORONTOOSI 14:26

Roduuwa'ya, xa ma assino? Huuccattote gamba yitinanni woyite, ki'ne giddonni mitoho faarso noosi; woleho rosiisate elto noosi; woleho qole go'lino coye tirate elto noosi; woleho haaru afiinni coyi'rate elto noosi; woleho qole haaru afiinni coyi'noonniha tirate elto noosi. Tini baalanti elto beetekiristaane dhaabbannota ikka hasiissanno.

GALATIYU SOKKA 4:6

Ooso ikkinoommo daafira Maganu, «Annaanna» yine woshshi'neemmoha Beettisi Ayyaana wodaninke giddora soyino.

EFESOONI SOKKA 4:12

Hatto assinohuno, Maganu manna soqqanshote qixxeesseenna, bisosi ikkitinori dhaawantanno gedeeti.

EFESOONI SOKKA 4:16

Manninatu sufatto baalatenni sufame xaadinohu isinniiti. Mittu mittunku bisi loososi loosanno woyite manninatu baalu lophanno; baxillunni dhaawamanno.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

EFESOONI SOKKA 6:18

Wo'manka woyite hasiisanno coyi baalaho, Qullaawu Ayyaaninni huuccidhe. Hakko garinni qullaawu manni baalahono jaattine huuccensa.

QOLASIYAASI SOKKA 2:7

Isi aana rumuxxitine uurritine, rossinoonni garinni ammanatenni kaajje. Galati'neno hala'lo.

UMI TESELONQE 5:11

Kunnira xa assitinanni heedhinoonninte gede, mimmito'ne jawaachishshenna dhaabbe.

UMI XIMOOTEWOOSI 1:4

Maattotenna gawalo nookki ilama kiirate giddora e'annokki gede hajaji. Hattoo coyi moronsho abbannota ikkinnina ammanatenni assinannihura Maganu loosira mittoreno dikaa'lanno.

LAYINKI XIMOOTEWOOSI 1:5

Ateta halaalaancho ammana qaageemmo. Hattoo ammana alba ahaahekki Loyidaranna amakki Ewuniqera no. Aterano hatti ammana nooheta afoommo.

TIITO 1:1

Maganu borojjichonna Yesuusi Kiristoosi soqqamaasincho ikkoommohu, Maganu doodhino manni ammana jawaachishatenna maganittete heeshsho halaale affanno gede assate dooramoommohu ani Phaawuloosi soommo sokka:

YAIQOOBI 2:22

Kunnira, ammana loosu ledo nootanna loosu ammana guuta assannota afitto?

LAYINKI PHEEXIROOSI 1:1

Yesuusi Kiristoosi soqqamaanchonna soqqamaasincho ikkinohu Simiooni Pheexiroosiwiinni, Maganinkenna Gatisaanchinke Yesuusi Kiristoosi keeraanchimma widoonni afi'noommo ammana gedeeta ayirrado ammana afidhinoonnirira:

UMI YOHAANNISI 5:4

Maganu ila ikkinohu baalu tenne gobba qeelanno. Tenne gobba qeeltannotino ammanankeeti.

YIHUDA 1:3

Jaalla'ya! Ledo gatore borreessammo'nera lowo geeshsha hasi'roommo; xa kayinni marro hingannikki garinni Maganu mannisira mitte hige uyino amma'nara jawaattine sharrantinanni gede seejjanni borreessammo'nera quuxaawoommo.

YOHAANNIS AJUUJA 13:10

Qafadamanno gede hendoonnihu qafadamanno; bagadunni reyanno gede hendoonnihu bagadunni reyanno. Hatto yaa, Maganu manni cincanna amma'na hasiissannosi yaate.