YAIQOOBI 5:5 - Qullaawa Maxaafa

⁵ Qawaaxxaamenna hagiirraame heeshsho heedhinanni, gorrinara qixxeessinoonni saada gede du'mitinoonni.

YAIQOOBI 5:5 ပူးပေါင်းရင်းမြစ်များ

FAARSO 17:14

Kaaliiqa, kunni manniwiinni gatisie; tenne gobba coyi injiinonsa manniwiinni agarie. Gamba assootto qoomaminni godowansa duushshi; insa oosonsara ikke gateenna, oosonsa oosora duu'nitanno.

FAARSO 73:7

Illensa coomu ketti assino; wodaninsara bunshe wo'mitino.

LAWISHSHA 17:1

Gibbote mine noo jilinni, keerunni intoonnihu moolu timi woyyate.

LAWISHSHA 7:14

‹Ani techo kakkalo shiqishi'roomma; kakkalote aaninnino maala gatisi'roomma.

ROSIISAANCHO 11:9

Ati wedellichu, wedellichimmakkinni tashshi yoohe; wedellichimmakki yannara wodanikki hagiidho; wodanikki hedinoha, illekki la'inoha assi. Ikkollana kunni baalunku coyira Maganu yoote shiqishannohetano habbooti.

ISAYAASI 22:13

Ki'ne kayinni yinoonnita agurtine, «Ga'a reyineemmoreentillana techo into, ango» yitine, saada gorridhine maala ittinanni; woyinete xajjeno agginanni ji'litinanni.

ISAYAASI 3:16

Kaaliiqi, «Tsiyooni meenti naaxxa batisino; haxo sangaagge illetenni qiphi assanno; lekkansara noo gume qaca assanni sununni qaafanno.

ISAYAASI 47:8

«Ati wodanikkinni, ‹Ane gedeehu dino› yite, atenee Maganu ledo taashshootta. ‹Galtiweelo di"ikkeemma; woy ilaweelono di"ikkeemma› yite, bashshi assattakkiha hawaqidhe hee'rattati, konne coye macciishshi!

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

ERMIYAASI 12:3

Kaaliiqa, ati kayinni ane egennoottoe; wodani'ya atewa noota afootto. Kunnira, diina'ya gorrinanni ge'reewi gede assite goshooshi; gorrantanno barrira badde qixxeessi.

ERMIYAASI 25:34

«Ki'ne gashshaano! Ki'nera aanne'e! Uulla bukote aana gongo'me; baalunku gorrantinanni barri iillino; danchu doru uduunni uwe hiiqqaqqamannohu gede, ki'neno hiiqqaqqantine billaallitinanni.

HIZIQEELI 16:49

Soddoomunna seennise duushshitino sagale afi're qarru nookkiha keere hee'rinohura naaxxino; buxanenna qarrantinore dikaa'lino.

HIZIQEELI 39:17

Mootichu Kaaliiqi, «Koo manchi beetto, ani qixxeessoommonsa kakkalo ittanno gede, allaattenna dubbu moyicho baala ragu ragunkunni woshshi. Mundee agge, maalano itte Israeelete ilaalla aana lowoha hagiirru jila ji'litanno.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

LUQAASI 16:19

Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.

LUQAASI 16:25

«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

ROOMU SOKKA 13:13

Barri xawaabbi giddo hee'ranno manni gede labbino heeshsho hee'no. Sirbanna dimba, foorrenna baashaawa, moronshonna dhiibbe hoollo.

UMI XIMOOTEWOOSI 5:6

Tenne gobba hagiirre calla baxxanno gunnitte kayinni uurronni reyitinote.

LAYINKI XIMOOTEWOOSI 3:4

yiinowa hosannokkiha, muddamaasincho, boo'natenni ufuufaminoha, Maganunni roorse qiniitesi baxannoha ikkanno.

LAYINKI PHEEXIROOSI 2:13

Bunshensa guma ittanno; barra sirba qawaaxxote gede assite heddanno. Ki'ne ledo jilaho xaaddanno woyite, saalanna fokko diafidhinoreeti.

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.

YOHAANNIS AJUUJA 18:7

Umose la'misidhinonna qawaaxxisidhino bikkinni, qarranna yaaddo uuyyese! Wodanisenni, ‹Gunnittete gede ikkikkinni, mootittete gede ikke ofolloomma. Dadillu horo diamadannoe› yite adawadhitanno.

UMI SAAMUEELI 25:36

Abigiya minira iillitu yannara, Naabaali moote jiltanno gedee jili aana no; lowo geeshsha dimbe noo daafira isonoo diafino. Kunnira sooda geeshsha mittoreno dicoyidhinosi.

UMI SAAMUEELI 25:6

‹Dirikki seedo! Ati, minikki manninna jajjikki baalu keere ikko.