YAIQOOBI 4:9 - Qullaawa Maxaafa

⁹ Yaadde, dadille, wi'le; osoli'ne wi'late, hagiirri'ne dadillu widira soorramo.

YAIQOOBI 4:9 ပူးပေါင်းရင်းမြစ်များ

NEHIMIYA 8:9

Mannuno seera nabbambanna macciishshe wi'li. Kunnira, gobba gashshinohu Nehimiya seeru rosiisaanchi qeesichu Izira, Seeru Maxaafi tiro xawissanno Leewaawooti ledo mannaho, «Kuni barri Magani'ne Kaaliiqira Qullaawa barraati. Kunnira, dadillanna wi'la dihasiissanno'ne» yitu.

IYYOOBI 30:31

Hagiirre'ya leellishate ganeemmo gingilaatinna, ufuufeemmo suusulle, xa wi'lannita ikkitino.

FAARSO 119:136

Mannu seerakki diigino daafira, hindiiddo'ya wayimma lolakkanno.

FAARSO 119:67

Ati seejjattoera albaanni so'reemmoho; xa kayinni qaalikkira hajajameemmo.

FAARSO 119:71

Wogakki roseemmo gede assitinoe daafira, seejjokki anera dancha ikkitinoe.

LAWISHSHA 14:13

Oso'linanni hee'neennanni giddo dadillu hee'rara dandaanno; osolu gedensaanni dadillu giddo gatanno.

ROSIISAANCHO 2:2

Osolu gowwimma ikkinota, hagiirruno mullare ikkinota huwatoommo.

ERMIYAASI 31:13

Hatte yannara seenninsa hagiidhe kukkubbanno; labballi oosonsanna geerrinsa qeexaa'lanno. Wodana qoleemmonsa waro, wi'lansa hagiirreho, dadillensa hisanyooteho soorreemmo.

ERMIYAASI 31:9

Gobbansa qoleemmonsa waro, wi'litanninna huuccidhanni dagganno; dancha buichowa qole haa're masseemmonsa; taalonna suwashsho doogo qole haa're ha'reemmonsa. Ani Israeelete annaho; Efireemino bayira beetto'yaati.

ERMIYAASI QURTO 5:15

Wodaninkenni hagiirru baino; godo'lenke yaaddote soorrantino.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 7:16

Mitu mitu lagichu giddonni baraganno lembooli gede, ilaalla hige xooqanno; baalunku cubbinsa daafira wi'litanno.

MAATEWOOSI 21:41

Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.

MAATEWOOSI 5:4

Yaaddannori ba'raadhinoreeti; jawaante afidhannona.

LUQAASI 16:25

«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

LUQAASI 6:21

Ki'ne xa hudidhinanniri, gedensaanni duubbinanni daafira ba'raadhinoonnireeti. Ki'ne xa wi'litinanniri, gedensaanni oso'litinanni daafira ba'raadhinoonnireeti.

LUQAASI 6:25

Xa duubbinoonniri, gedensaanni hudidhinanni daafira, ki'nera aanne'e. Xa oso'litinanniri, gedensaanni dadillitinanninna wi'litinanni daafira, ki'nera aanne'e.