YAIQOOBI 4:1 - Qullaawa Maxaafa

¹ Giddo'ne noo olinna gibbo maminni dagginote? Mannimma'ne giddo olantanno yorto maalunnitewiinni dagginota di"ikkitino?

YAIQOOBI 4:1 ပူးပေါင်းရင်းမြစ်များ

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

YOHAANNISI 8:44

Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

ROOMU SOKKA 7:23

Ikkollana wodani'ya seeri ledo gaaramannohu, mannimma'ya widoonni cubbu seeri usuranya assannoehu wolu seeri mannimma'ya giddo noota afoommo.

ROOMU SOKKA 7:5

Mannu hedo garinni hee'noommo waro, Seeru kakkayisannoti busha yorto, reyote guma laallammora mannimmanke giddo loossanni heedhino.

ROOMU SOKKA 8:7

Maalu coyinni amadamino manchi Maganu ledo gibbote; Maganu Seerirano dihajajamanno; hajajameno diafanno.

GALATIYU SOKKA 5:17

Maalu Ayyaanu hedannore dibaxanno; Ayyaanu qole maalu hedannore dibaxanno; lamunku mimmitu ledo giwantanno. Kunnira hasidhinoonnire assa didandiitinanni.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

LAYINKI XIMOOTEWOOSI 2:23

Gibbo abbannota affe, hawanyunna egenno afi'rinokki manni moronshowiinni xooqi.

TIITO 3:3

Ninke alba hawanyootaho; hajajammeemmokki so'ranyootaati; yortotenna addi addi qawaaxxora borojje ikkinoommoreeti; bunshenna dhiibbe noonkereeti; giwamaasinete; mimmito gimbeemmoreeti.

TIITO 3:9

Ikkollana hawanyootu moronsho, ilama kiiratenni, coyi'ranshonna Seeru daafira kaansanni gibbo xooqi. Hattoo coyi guma diafi'rino; kaa'lannorino dino.

YAIQOOBI 1:14

Ikkollana mittu mittunku manchi jifamannohu umisi yortonni goshooshamanninna dogamanniiti.

YAIQOOBI 4:3

Huuccidhine afidhinannikkihuno, maalu hagiirrira yitine busha hedonni huuccidhinannihuraati.

UMI PHEEXIROOSI 1:14

Hajajantanno ooso gede ikkitine, alba affinikkinni heedhinita busha yorto ha'runsitinoonte.

UMI PHEEXIROOSI 2:11

Jaalla'ya! Ki'ne tenne gobbara wosinanna manni gobba manna ikkitinoonni daafira, lubbote ledo gaarantanno yorto maalunnitewiinni xeertidhinanni gede huucci'reemmo'ne.

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.