YAIQOOBI 3:9 - Qullaawa Maxaafa

⁹ Isinni Annanke Magano galanteemmo; isinni Maganu suudinni kalaqamino manna rummeemmo.

YAIQOOBI 3:9 ပူးပေါင်းရင်းမြစ်များ

KALAQAMA 5:1

Maganu manna kalaqi waro, danisinni, labbaahanna meyata asse kalaqino; maassi'rinonsa; su'mansano, «Manna» yee fushshino. Addaamiti ilamate sinna kawiinni aante noote:

KALAQAMA 9:6

«Mannu kalaqaminohu Maganu akatinniiti; kunni daafira, afanni hee're manna shaannohu baalu mannu anga reyanno.

LAYINKI SAAMUEELI 16:5

Moote Daawiti Bahuriimi yinanni katama dayi. Mittu Saaoolira fiixa ikkannohu Geeri beetti Shimi"i daye Daawiti rumi.

LAYINKI SAAMUEELI 19:21

Tseruya iltinohu Abisa kayinni, «Shimi"i Kaaliiqi buurinoha xonino daafira reya hasiissannosi» yee coyi'ri.

UMI DUDUWO 29:10

Daawiti hattenne songo baalate albaanni Kaaliiqa, «Albi awurinke Yaiqoobi Magano Kaaliiqa, hegerenni hegere geeshsha galatu atera iillohe!

UMI DUDUWO 29:20

Hakkunni gedensaanni Daawiti manna, «Magano'ne Kaaliiqa galatte!» yii. Gamba yee noo manni baalu akaakkansa Magano Kaaliiqa galati. Baattote aana gombisame Kaaliiqira kumbuuli; mooteteno ayirrinye uyi.

FAARSO 10:7

Afiisira rumo, doganna, boollaqi'ra wo'mitino. Arrawisira xagarronna sao no.

FAARSO 108:1

Wodani'ya dishafamannoho; Magano! Wodani'ya dishafamannoho. Kunnira geeweemmohe; faarseemmohe.

FAARSO 145:1

Magano'yanna moote'ya, lowimmakki duduweemmo; hegerera galateemmohe.

FAARSO 145:21

Ani wo'manka woyite Kaaliiqa galaxxeemmo; kalaqinonsari baalu qullaawa su'masi hegerera guwisso!

FAARSO 16:9

Lubbo'ya jeennaateho diagurattose; qullaawakki hoqara worte diagurattosi;

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 34:1

Kaaliiqa wo'manka woyite galateemmosi; galatisino wo'manka woyite afii'yanni dibaxxanno.

FAARSO 35:28

Hatte yannara barra wo'ma, arrawi'ya keeraanchimmakkinna galatakki kulanno.

FAARSO 51:14

Gatisaancho Magano ballo, shitannoriwiinni agarie; anino keeraanchimmakki duduweemmo.

FAARSO 57:8

Lubbo'ya baqqi yii! Gingilaatunna baganu ka'e! Anino gute kaeemmo.

FAARSO 59:12

Afiinsa cubbiranna suumensanni fultanno so'rora, rumonna kaphu afiinsanni fulanno daafira, boo'nansanni amadanto.

FAARSO 62:4

Ayirrinyesi moofisate amaalantinanni; kapho coyi'rate hagiidhitinanni; afii'nenni maassidhinanni; wodani'nenni kayinni runtinanni.

FAARSO 63:4

Lubbotenni noommo geeshsha galaxxeemmohe; anga'ya fane ate huucci'reemmo.

FAARSO 71:24

Gawajjameemmota baxxannori saalfattannonna shollitanno daafira, arrawi'ya barra wo'ma keeraanchimmakki duduwanno.

ROSIISAANCHO 7:22

Atino batinye higge woloota xonoottota wodanikki afino.

ISAYAASI 29:13

Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

MAATEWOOSI 26:74

Hatte yannara Pheexiroosi, «Maganu afoe, ani konne yitinanni mancho diegennoommo!» yaanni xaari. Hakkawoyintenni lukkichu gani.

MAATEWOOSI 5:44

Ani kayinni, ‹Baarigaara'ne baxxe; xiibbanno'nerira Magano huuccensa.

SOQQAMAASINETE LOOSO 2:26

Kunnira wodani'ya hagiidhanno; arrawi'yano hisatanno. Reyannohu maali'yano hexxo afi'ranno.

ROOMU SOKKA 3:14

Afiinsara rumonna, qaraaro wo'mitino.

UMI QORONTOOSI 11:7

Labbaahu, Maganu daninna Maganu ayirrinyi aanasi leellannoha ikkinohura, umo guggu'loonke. Meyati kayinni labbaahu ayirrinyeeti.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

YAIQOOBI 3:10

Mittu afiinni galatunna rumo fultanno. Roduuwa'ya! Kuni ikka dihasiissanno.

UMI PHEEXIROOSI 1:3

Yesuusi Kiristoosi reyotenni ka"asinni heeshshote hexxo uyinke. Jawa maarosinni haaro ilamanni oososi assinonkehu, Mootichinke Yesuusi Kiristoosi Anni Maganu galatamo.

EJJEETTO 9:27

Gatinni woyinensa xinqidhe huuncituhu gedensaanni, maganinsa mine hagiirru ayyaana ayirrissu. Hakkiicho ittanninna agganni Abemeleeki xontu.