YAIQOOBI 3:6 - Qullaawa Maxaafa

⁶ Arrawuno giirate gedeeti; arrawu mannimmanke giddo busha alameeti. Mannimmanke batteessanno; gaannaamete giira gede heeshshonke qaafo baala giiranno.

YAIQOOBI 3:6 ပူးပေါင်းရင်းမြစ်များ

LAYINKI SAAMUEELI 16:20

Hakkunni gedensaanni Abeseloomi Akixoofeeli, «Xa hanni ma assineemmoro mala uyinke» yiisi.

LAYINKI SAAMUEELI 19:43

Israeelete manni qole, «Isi ki'nera gamba yiinoha nafa ikkiro, 10 ga're ikkinoommo daafira gashshootisi roore ninke la"anno. Ki'ne ninke mayira mishshinanninke? Moote qolate balanxe coyi'noommori dininkeeti?» yii. Ikkollana, Israeelete manninni roore Yihudu manni Daawiti uminsaha assi'rate heewisami.

LAYINKI DUDUWO 13:17

Abiyanna mannisi, Israeelete olanto lowo geeshsha gawajjitu. Kunni olinni Israeelete giddonni 500,000 jawaata olanto reyitino.

FAARSO 140:3

Arrawinsa hamashshu gede iddannoho; qaalinsano buutete harfi gedeeho.

FAARSO 64:3

Arrawonsa bisete gede gamaxidhanno; harfaamu afiinni maxxu gede qassanno.

LAWISHSHA 15:1

Shaqqadu arrawi hanqo qiissanno; kaajjadu qaali kayinni hanqo kakkayisanno.

LAWISHSHA 16:27

Yawaawulu manchi bunshella hasanno; arrawisino giirate gede itanno.

LAWISHSHA 6:19

kaphu aana kapho leddanno naqaashsheetinna roduuwu mereero gibbo wixannoreeti.

LAWISHSHA 7:5

Insa wolu galtewiinni fafatto gede assitannohe; suumetenni dogganno mancho fooratewiinni agartannohe.

ISAYAASI 30:27

Kune, Kaaliiqiti wolqasinna xirchisi xeertote leellanno. Buwanunna wiliile hanqisi malaateeti; qaalisi ittanno giiraati.

ISAYAASI 50:11

Woleho giira qassinannirinna bushshitinanniri, qassinoonnitinna bushshitinoonni giira qolte ki'ne ittanno; konne qorichano Kaaliiqi anganni adhitinanni.

ERMIYAASI 20:10

Lowo manni, base baalate waajjillu no yee, hashaashamanna macciishshoommo. Qoleno, «Amme isire gashshaanote kullona!» yitino; jaalla'yaati yoommori nafa, «Isi dongiro dogamannohona, dogamiha ikkiro amande rabbisi'neemmosi» yitanno.

ERMIYAASI 28:16

Kunnira Kaaliiqi, kune baattote aaninni shorrammoheraati. Mannu ane Kaaliiqira gara giwanno gede assoottona kunni dirinni reyatto» yoommosi.

KIIRO 25:2

Kuni meentino magannansara kakkalloonni kakkalo ittanno gede koyisinsa. Israeelete mannino kakkalo ite Moaabi magannara kumbuuli.

KIIRO 31:16

Fegoori hee'neenna Beleaami amaale adhe Israeele Kaaliiqiwiinni huninorinna mannu qoomamanno gede assinori di"insaati?

MAATEWOOSI 12:24

Farisootu kayinni tenne macciishshite, «Isi durriisa fushshanni noohu, roorrichinsa Bielizebuuli wolqanniitilla» yitu.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

MAARQOOSI 7:15

Manna lageessannohu mannuwiinni fulanno coyeti ikkinnina, gobbayidinni giddora eannore di"ikkino.

LUQAASI 16:24

Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

SOQQAMAASINETE LOOSO 20:30

Ki'ne giddonnino mitu mitu shokkashsho coye rosiissanni, lowo ammanaasine insawa qoltanno.

SOQQAMAASINETE LOOSO 5:3

Pheexiroosi kayinni, «Hanaaniya, Qullaawa Ayyaana dogattonna baatto hirootto woxe gama gatisi'ratto gede Sheexaanu wodanikki giddora mayira ei?

SOQQAMAASINETE LOOSO 6:13

Kapho naqqassannoreno haadhe abbitu. Kapho naqqassannorino, «Kuni manchi Qullaawa Minenna Seera xona diaguranno.

MARRO 13:6

«Rodiikki, oosokki, woy baxattoti galtekki woy lubbote jaalikki, maaxame atewa daye atinna ate annuwa affinoonnikkita kaphu maganna magansi'ratto gede so'risiisahera wo'naaliro,

TIITO 1:11

Garimale doogonni qiniite lexxitara yite, hasiisannokki coye rosiissanni mittu mini manna wodaassanno. Hattoo manna sammi assa hasiissanno.

YAIQOOBI 2:7

Woshshinanni'neha hakkonne ayirrado su'ma huntannori insa di"ikkitino?

YAIQOOBI 3:7

Baattote aani moyichinna cea, godowunni ha'rannorinna wayi giddo hee'ranno kalaqami baalu mannu assita ikkanno; miiranno.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.

SAYIKKI YOHAANNISI 1:10

Kunnira ki'newa dayemmo woyite, xonanninkenna shollishanninke loosanno looso baala baalunkura kuleemmo. Hakkonne calla ikkikkinni roduuwano dihaa'ranno; haadhannoreno hoole insano beetekiristaanetenni fushshe shorranno.

YOHAANNIS AJUUJA 12:9

Lowo dhudhuufi woro hige tugami; isi Daawuloosiiti woy Sheexaaneho yinannihu kalqe baala so'risiisannohu bi're albi hamashshooti. Iso uullara tungi; sokkaasinesino isi ledo tugantu.

YOHAANNIS AJUUJA 13:14

Umi moyichira albaanni leellishara fajjinoonnisi malaatinni kainohunni, baattote aana hee'ranno manna so'risiisanno. Bagadu madiisseenna gatino moyichi dani misile seekkitanno gede baattote aana noo manna hajajanno.

YOHAANNIS AJUUJA 18:23

Kunni ka'a giddokki caabbichu dihee'ranno; adhannohunna adhantannote huuro, kunni ka'a giddokki dimacciishshinanni. Daddalaasinekki baattote aana egennantino wolqaataammaati; bitakkinni manna baala so'risiisootta.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.