YAIQOOBI 3:5 - Qullaawa Maxaafa

⁵ Arrawuno mannimmanke giddo shiimiidi bisooti; ikkirono jajjabbu coyinni naaxxanno. Lowo dubbo shiima giira ittanno.

YAIQOOBI 3:5 ပူးပေါင်းရင်းမြစ်များ

IYYOOBI 22:17

Wo'manka Dandaanno Maganono, ‹Assattonkeri dinona, ninkewiinni ho'li› yitanno.

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 17:10

Godowa kaajjite, boo'natenni coyidhanno.

FAARSO 39:1

«Asseemmore baala qorophotenni asseemmo; arrawi'yanni sao dicoyi'reemmo; bushu manni noowa mittoreno dicoyi'reemmo» yee hedoommo.

FULO 15:9

Diinu, «Shorre amadeemmonsa; jironsa beeqqeemmo; halchoommoreno adheemmo; bise'ya kou giddonni fushshe shakki asseemmonsa» yiino.

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

LAWISHSHA 12:18

Dayi gede coyi'nanni coyi manna urdete gede qasanno; egennaamu arrawi kayinni hursanno.

LAWISHSHA 15:2

Egennaamu arrawinni egenno fultanno; gowwu afiinni kayinni giwwimma burqitanno.

LAWISHSHA 18:21

Reyonna heeshsho arrawu aana no; kunnira, mannu coyi'rinore adhanno.

LAWISHSHA 26:20

Haqqe gooffuro giira xo'annonte gede, hemaanchu nookkiwa gibbo diheedhanno.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

DAANIEELI 3:15

Xa xurumbu, gingilaatu, maasinqote, kiraarete, baganunna suusullete qoonqo macciishshitinanni woyite uurrisoommo misilera baattote aana gombisantine kumbuultiniro woyyate; kumbuula gibbiniro kayinni hakkawoyintenni bubbanno giira giddo tugantinanni. Anga'yanni gatisanno'ne magani nookkita egenne!» yiinsa.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

YAIQOOBI 3:4

Markaawe jawa ikkite heedhenni lowo bubbe xiibbannota ikkiturono, amadino manchi shiimu laaqi'raanchinni hasi'ri widira qole haa're ha'ranno.

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

YIHUDA 1:16

Kuri, uminsata busha yorto ha'runsitanni, wo'manka woyite gunguntannoreetinna mittu coyira nafa hagiidhitannokkireeti; afiinsanni boo'nate qaali fulanno; uminsara injaannore hasidhanni wole manna bokkeessitanno.