YAIQOOBI 3:1 - Qullaawa Maxaafa

¹ Roduuwa'ya! Ninke rosiisaano ikkinoommorira roore yoo agartannonketa affinoonnina, ki'ne giddonni lowo manni rosiisaano ikkoonke.

YAIQOOBI 3:1 ပူးပေါင်းရင်းမြစ်များ

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

MILKIYAASI 2:12

Hattoore assannoha baala Kaaliiqi Israeelete manni giddonni fushshe hunosi! Hattoo manchi, mannu Olantote Mootichi Kaaliiqira shiqishanno kakkalora karsamannokki gede fulino widoonni gato!

MAATEWOOSI 10:24

«Rosaanchu rosiisaancho dirooranno. Soqqamaanchu biilosi dirooranno.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAATEWOOSI 23:14

[«Mannu la"a'nera yitine huuccatto seedissinanni gunnootu mine mulqitinanni; ki'ne lawisiisaano, Seeru rosiisaanonna Farisootu, ki'nera aanne'e! Kunni daafira ki'nera busha yoo yinanni'ne.].

MAATEWOOSI 9:11

Farisootu konne coye affe rosaanosira, «Rosiisaanchi'ne qaraxaanotenna cubbaataammu ledo mayira itanno?» yitu.

LUQAASI 16:2

Dureessu manchi jajjasi towatannoha woshshe, ‹Ate mayinanna macciishshummo? Kunni ka'a jajja'ya towata didandaattona, angakki noo jajji kiiro kulie!› yiisi.

LUQAASI 6:37

Yesuusi qole, «Ki'nera yoo yinanni'nekki gede, ki'neno woleho yoo yitinoonte. Ki'ne minshanni'nekki gede, ki'neno wole mishshinoonte. Ki'ne cubbo agurranni'ne gede, wolu cubbono agurre.

YOHAANNISI 3:10

Yesuusi, «Ati Israeelete rosiisaancho ikkite heedhe konne coye diafootto?

SOQQAMAASINETE LOOSO 13:1

Antsookiyaho noo beetekiristaanera himanaanote yinanni rosiisaanonna qaale kultannori no. Insano Barnabaasi, kolishshu yinanni Simiooni, Qereenichu Lukiyoosi, shoolki anga gashshinohu Heeroodisi ledo lophinohu Maanahenna Saawuli no.

UMI QORONTOOSI 12:28

Kunnira, Maganu balaxe beetekiristaanete mito mito soqqamaasine, layinkita himanaano, sayikkita rosiisaano asse worino. Hakkiinni aanche, maalale loossannore, hursate wolqa afidhinore, manna kaa'litannore, gashshaanonna haaru afiinni coyidhannore worino.

LAYINKI QORONTOOSI 5:10

Mittu mittunku maalunni hee're loosinoha dancha woy busha loosisi guma adhate, baalunku Kiristoosi barcimi yoonnihu albira shinqeemmo.

EFESOONI SOKKA 4:11

Isi mito mito soqqamaasine, woloota himanaano, mito mito Dancha Duduwo kultannore, woloota qole ammanaano allaaltannorenna gamisoota rosiisaano ikkitanno gede assino.

UMI XIMOOTEWOOSI 1:7

Hatto assitannohuno, seeru rosiisaano ikka hasidheeti. Ikkollana coyidhanni noore diaffino; wodanchitukkinni afoo wonshite coyidhanno.

UMI XIMOOTEWOOSI 2:7

Anino ammananna halaale lallawate soqqamaasinchonna rosiisaancho ikke daganniwa soqqame dayommohu kunniraati. Halaale coyi'reemmo ikkinnina dikapheemmo.

LAYINKI XIMOOTEWOOSI 1:11

Anino kunni Duduwi lallawaancho, soqqamaasinchonna rosiisaancho ikke shoomamoommo.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

YAIQOOBI 1:16

Baxantinoonni roduuwa'ya! Sodhinoonte!

YAIQOOBI 1:19

Baxantinoonni roduuwa'ya! Konne habbinoonte; mannu baalu macciishshate rahinoha, coyi'ratenna hanqoho muddamannokkiha ikko.

YAIQOOBI 3:10

Mittu afiinni galatunna rumo fultanno. Roduuwa'ya! Kuni ikka dihasiissanno.

UMI PHEEXIROOSI 5:3

Hoshshate dancha lawishsha ikke ikkinnina, eeggo uyinoonni'nere gadadissine wolqatenni gashshitinoonte.