YAIQOOBI 2:5 - Qullaawa Maxaafa

⁵ Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

YAIQOOBI 2:5 ပူးပေါင်းရင်းမြစ်များ

UMI MOOTOOLLA 22:28

Mikayano, «Ati keere higittoro, Kaaliiqi anera dicoyi'rinoe yaate» yiisi. Qole qoonqosi naggi asse, «Konne heedhinoonni manni baalu, coyi'rummore habbinoonte!» yii.

IYYOOBI 34:10

«Ki'ne wodanchitinanniri hanni macciishshe"e. Wo'manka Dandaanno Magani, hoorontanni busha coye diassanno.

IYYOOBI 34:19

Baalanka kalaqinohu Magano ikkinohura, isi gashshaanote alba lae godowa dihosanno; dureessa buxichunni roorse dila"anno.

IYYOOBI 38:14

Barri xawaabbi, gaarranna lagga, erroonni imaaninna borreessinoonnihu doru uduunni gede asse leellishanno.

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

LAWISHSHA 13:7

Mitu noosiri nookkiha afi'raamo lawanno; wolu kayinni lowo jiro heedheennasinni buxicho lawe hee'ranno.

LAWISHSHA 7:24

«Beetto'ya ballo xaano macciishshi; yeemmohere seekkite wodanchi.

LAWISHSHA 8:32

«Xa ki'ne ooso'ya, macciishshe"e; seejjo'ya macciishshitannori baraadhinoreeti.

ISAYAASI 14:32

Filisxeemetenni daanno mannira ma dawarreemmo? Kaaliiqi Tsiyooni galagalche xintinotanna qarru giddo hee'ranno manni fooliishshi'rannowa afi're keere hee'ranno gede assinota kulleemmonsa.

ISAYAASI 29:19

Jooguullunna gadadaammu Israeelete Qullaawa ikkinohunni Kaaliiqinni hagiidhitanno.

SOFFOONIYAASI 3:12

Mereero'ne umosi heeshshi assinoha jooga manna gatiseemmo. Kuni mannino ane hexxannohanna kaa'lo'ya hasi'rannoha ikkanno.

ZAKKAARIYAASI 11:11

Kunni garinni, gondooru hakko barranni diigami; konne asseemmo woyite, ge'reewo hirtanninna hidhitanni noori ane widira higge la'anni, Kaaliiqi ani assoommori widoonni qole coyi'rinota affu.

ZAKKAARIYAASI 11:7

Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

MAARQOOSI 7:14

Yesuusi xaano manna woshshe gamba asse, «Baalunku ani yeemmore macciishshitine wodanche!

LUQAASI 12:21

Baattote aana jiro duu'ne, Maganu albaanni buxino manchi hattooho» yii.

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

LUQAASI 16:22

«Hakkunni gedensaanni buxichu reenna sokkaasine haadhe massite Abirihaami mule wortusi. Dureessano reenna madaarri.

LUQAASI 16:25

«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

LUQAASI 22:29

Kunnira anni'ya ane shoominte gede, anino ki'ne shoomeemmo'ne.

LUQAASI 6:20

Yesuusi rosaanosi widira hige lae, «Maganu Gashshooti ki'neha ikkino daafira, ki'ne buxane ba'raadhinoonnireeti.

YOHAANNISI 7:48

Xaa geeshsha gashshaanotenna Farisootu giddonni iso ammaninohu nooni?

SOQQAMAASINETE LOOSO 7:2

Isxifaanoosino, «Roduuwa'yanna annuwa'ya, hanni macciishshe! Anninke Abirihaami Kaaraani gobba ha'rara albaanni Mesiphexoomiyaho hee'reenna, ayirrinyu Magani leellinosi.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 2:9

Ikkollana, «Ille la'inokkiha, macca macciishshitinokkiha, mannu wodani hedinokkiha, Maganu baxxannosirira qixxeessino» yine borreessinoonni.

LAYINKI QORONTOOSI 4:15

Tini ki'nera qiniite ikkitu elto lowo mannira baqaqqu bikkinni, Maganu ayirrinyira galatu lexxanno.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.

EFESOONI SOKKA 1:18

Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

UMI XIMOOTEWOOSI 6:18

Qolteno dancha looso loossanni dureeyye ikkitara, aatenna afidhinore woleho iillishi'rate qixxaabbanno gede hajajinsa.

LAYINKI XIMOOTEWOOSI 4:18

Mootichu bushu coyi baaluwiinni gatisannoe. Gordoho noo gashshootisiwano iillishannoe. Isira hegerenni hegere geeshsha ayirrinyu ikkosi! Hamii'ni.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

IBIRAAWOOTA 11:26

Albillitte adhara noo ba'raa'ra buuxe laino daafira, Gibitsete jironni roore Kiristoosi daafira mishama roore jiro ikkitinota hedi.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 1:16

Baxantinoonni roduuwa'ya! Sodhinoonte!

YAIQOOBI 1:19

Baxantinoonni roduuwa'ya! Konne habbinoonte; mannu baalu macciishshate rahinoha, coyi'ratenna hanqoho muddamannokkiha ikko.

YAIQOOBI 1:9

Gadadaame heeshsho hee'ranno ammanaanchi, Maganu aliidiha assannosi daafira hagiidho.

UMI PHEEXIROOSI 1:4

Isino ba"annokkiha, dukukkannokkihanna akkalannokki iqqa gordoho qixxeessino'ne.

LAYINKI PHEEXIROOSI 1:11

Kunni garinni hegereha Mootichinkenna Gatisaanchinke Yesuusi Kiristoosi gashshoote eate kaayyo uyinanni'ne.

YOHAANNIS AJUUJA 2:9

Qarrakkinna buximakki afoommo; ikkollana ati dureessaho. Ayihude ikkitukkinni, «Ninke Ayihudete» yitannori, Sheexaanu gaamora miilla ikkitinori xontannohe xono afoommo.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.

YOHAANNIS AJUUJA 3:18

Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.

EJJEETTO 9:7

Iyoaataamira tenne kulleennasi, Geriizaani Ilaali birxe fule qoonqosi naggi asse, «Sekeemi manna! Maganu macciishshanno'ne gede ani yeemmota macciishshe"e.

UMI SAAMUEELI 2:30

« ‹Ani Israeelete Magani Kaaliiqi, minikkinna ilamakki hegerera soqqantannoe yee hexxoommo. Xa kayinni dihasi'reemmo'ne. Ani ayirrissannoere ayirriseemmo; mishshannoerino mishantanno.

UMI SAAMUEELI 2:8

Isi buxicho buluulu aaninni kayisanno; gadadaamo ishinu giddonni fushshanno. Ayirraddu ledo ofoshshiishannosi; ayirrinyu barcimano ragisiisannosi. Baattote safo Kaaliiqite; kalqeno kunni xinti aana worino.