YAIQOOBI 1:8 - Qullaawa Maxaafa

⁸ Lame hedo noosihuranna yiinowa kaajje uurrannokki daafira afi'rara didandaanno.

YAIQOOBI 1:8 ပူးပေါင်းရင်းမြစ်များ

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

LAYINKI MOOTOOLLA 17:33

Kunni garinni Kaaliiqa magansidhu. Wole widoonni kayinni alba heedhanno gobba rosi garinni umi uminsa maganna magansidhu.

LAYINKI MOOTOOLLA 17:41

Baabilooninni dayino mannino Kaaliiqa magansi'ranni hee'renni, wole widoonni kayinni magannansa magansi'rino. Sirchinsano techo geeshsha kunni garinni magansi'ranni no.

FAARSO 119:113

Lamu wodaninni heedhannore giwoommo; seerakki kayinni baxoommo.

ISAYAASI 29:13

Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

HOOSEI 10:2

Wodaninsara xagarro wo'mitino; assitino saono amaddannonsa. Kaaliiqi, kakka'litanno darga baalanka hunanno. Kaphu magannara kumbuultara seekkidhino sooddiyyeno hiiqqaqqanno.

MAATEWOOSI 6:22

Yesuusi qole, «Mannimmate caabbichi illete; kunnira ille'ne keere ikkituro, mannimma'ne baala xawaabba ikkitanno.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

YAIQOOBI 1:7

Hattoo manchi Maganuwiinni mittoreno afi'reemmo yee hedoonke.

YAIQOOBI 4:8

Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.

LAYINKI PHEEXIROOSI 2:14

Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.

LAYINKI PHEEXIROOSI 3:16

Isi tenne hajare sokkasi baalantera kunni garinni borreessino. Sokkasi giddo mitu mitu buuxate qarrisanno coyi no; egenno xe'inonsarinna yawaawulootu wole qullaawa maxaaffa shokkishshannonte gede, konne coyeno shokkishshanno. Hatto assansanni uminsa ba'anno.