YAIQOOBI 1:4 - Qullaawa Maxaafa

⁴ Cincatenni kaajja'ne mitturino xei'nekkinni guutanna wo'ma manna assitanno'neta ikkito.

YAIQOOBI 1:4 ပူးပေါင်းရင်းမြစ်များ

IYYOOBI 17:9

Keeraano doogonsa aana kaajjite uurritanno; xalala wodana afidhinori wolqa lexxitanno.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 40:1

Kaaliiqa cincatenni agadhoommo; isino caaqqi yiinoe; raare'yano macciishshie.

LAWISHSHA 4:8

Egenno ayirrisi; iseno qolte ayirrinye uyitannohe; seekkite cu'mi'ri; iseno ayirrissannohe.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

MAATEWOOSI 10:22

Ane daafira yitineenna mannu baalu giwanno'ne; goofimarchu geeshsha kaajje uurrannohu kayinni gatanno.

MAATEWOOSI 19:20

Wedellichuno, «Tenne baalanta hajajo albanni wonshoommo; woliri gatinoeri nooni?» yii.

MAATEWOOSI 5:48

Kunnira, gordu Anni'ne guuta ikkinohura, ki'neno guuta manna ikke!› yeemmo'ne» yii.

MAARQOOSI 10:21

Yesuusi mancho lae baxe, «Mittu coyilla gatinohe; hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

LUQAASI 18:22

Yesuusi tenne macciishshihu gedensaanni manchoho, «Mittu coyi gate noohe; hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

LUQAASI 21:19

Cincitiniro, lubbo'ne gatisidhinanni» yiinsa.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

YOHAANNISI 17:23

Ani huucci'reemmohehu ani insanni, ati anenni noottonte gede, insano co'onta mitto ikkiteenna, tini gobba soottoetanna insano baxoottonsata affaraati.

UMI QORONTOOSI 2:6

Ayyaanaame heeshshonni lophitinorira egennote qaale kulleemmo. Kulleemmo qaali kayinni tenne gobba egenno woy gedensaanni ba'annoriha tenne gobba gashshaano egenno di"ikkino.

GALATIYU SOKKA 6:9

Dancha looso loosa cee'minoonke. Hexxo mudha hoongummoro, yanna iillitanno woyite mixxineemmo.

QOLASIYAASI SOKKA 4:12

Ki'ne widiha ikkinohu Kiristoosi soqqamaanchi Ephafirano keere dhaamino'ne. Ayyaanaame heeshshonni lophitine kaajjitine uurritinanninna Maganu hedo baala wonshitinanni gede, isi wo'manka woyite ki'ne daafira huuccatto assanno.

UMI TESELONQE 5:23

Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

LAYINKI XIMOOTEWOOSI 3:17

Qolteno, Maganu manchi guuta ikkanno gedenna dancha coye assate qixxaawinoha ikkanno gede kaa'litanno.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.

YAIQOOBI 3:2

Ninke baalunku wo'manka woyite so'neemmo; arrawosi eemadhannohu, isonoo qee'linoho; guuta manchooti.

UMI PHEEXIROOSI 5:10

Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.

LAYINKI PHEEXIROOSI 1:9

Kuni coyi noosikkihu illiweeloho; mule nooha calla la"anno; albi cubbiwiinni keeraawinota hawino.