UMI TESELONQE 5:8 - Qullaawa Maxaafa

⁸ Ninke kayinni barri manna ikkinoommohura, jilbunni hee'no; ammanannitanna baxillunnita siwiilu uddano uddi'no. Gatote hexxono siwiilu gullee gede assine umoho wodhino.

UMI TESELONQE 5:8 ပူးပေါင်းရင်းမြစ်များ

FAARSO 42:11

Lubbo'ya ballo, mayira dadillatta? Mayira daassattae? Xaano galagale Magano gatisaancho'ya galaxxeemmona, atino iso hexxi.

FAARSO 42:5

Lubbo'ya ballo, mayira dadillatta? Mayirano daassattae? Xaano galagale Magano gatisaancho'ya galaxxeemmona, atino iso hexxi.

FAARSO 43:5

Lubbo'ya ballo! Mayira dadillatta? Mayirano daassattae? Xaano Magano gatisaancho'ya galaxxeemmona, atino iso hexxi.

ISAYAASI 59:17

Isi keeraanchimma siwiilu uddano gede uddi're, gatissanno wolqano siwiilu gullee gede asse wodhi. Isi coye baala taashshate, manna shetissannore qorichishatenna rabbisate, lowo geeshsha halchi.

ERMIYAASI QURTO 3:26

Kunnira, mannu sammi yee cince, Kaaliiqi gatisaanchimma agadhiro danchaho.

UMI QORONTOOSI 13:13

Kunnira ammana, hexxonna baxillu sasunku darginni milli yitukkinni heedhanno. Ikkollana, kuri sasunku giddo rooru baxilleho.

LAYINKI QORONTOOSI 6:7

halaalaanchu qaalinni, Maganu wolqanni, gura qiniitira ikkannoha keeraanchimmate bagado amaxxatenni;

GALATIYU SOKKA 5:5

Ninke kayinni, Maganu Ayyaani amma'nate widoonni qole keeraanchimmate hexxo agadhineemmo gede assannonke.

EFESOONI SOKKA 6:11

Sheexaanu xagarro ittisa dandiitinanni gede, Maganunniha olu bagado baala uddidhe.

EFESOONI SOKKA 6:23

Maganu Annunna Mootichu Yesuusi Kiristoosi keerinna baxillu ammanate ledo ki'ne roduuwu ledo hee'ro.

UMI TESELONQE 5:5

Ki'ne baalunku xawaabbunna barri mannaati. Hashshi woy tunsichu manna di"ikkinoommo.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

IBIRAAWOOTA 6:19

Tini hexxo heeshshonkera milli miqqi yaannokkihu addaxxinanni mokkollichi gedeete. Isino gole hoolannoricho sae Qullaawu Minira eanno.

UMI PHEEXIROOSI 1:13

Kunnira wodana'ne feeffachishshine, jilbunni heedhe. Yesuusi Kiristoosi daanno yannara afidhinanni eltora wo'ma hexxo heedho'ne.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.