UMI TESELONQE 5:6 - Qullaawa Maxaafa

⁶ Kunnira, wolootu gede goxa agurre, xaate baqqi yine jilbunni hee'no.

UMI TESELONQE 5:6 ပူးပေါင်းရင်းမြစ်များ

LAWISHSHA 19:15

Cee'ma lowo goxano abbitanno; loosiweelo hee'niro hude dagganno.

ISAYAASI 56:10

Qoleno Kaaliiqi, «Israeelete gashshaano ballootaho; egennono diafidhinoreeti. Insa baalunku dutannokki woshshi gede, sammi yite goxxe haaqee calla haaqiidhanno; wo'manka woyite goxano calla baxxanno.

YOONAASI 1:6

Markaawete hajajaanchino isiwa shiqqi yee, «Tenne yannara mayira goxootto? Miteekke marare gatisannonkeha ikkannona, ka'e maganokki huuccinke» yitu.

MAATEWOOSI 13:25

Ikkollana mannu baalu goxihu gedensaanni baarigaaru daye qamadete wixi giddo santaata wixe ha'ri.

MAATEWOOSI 24:42

Kunnira, Mootichu ma barra daannoro affinoonnikki daafira, feeffattine agadhe.

MAATEWOOSI 25:13

«Kunnira, barranna saate diaffinoonnina jaattine agadhe!» yiinsa.

MAATEWOOSI 25:5

Seenne adhannohu daa keeshshita, wo'munku goxe bai.

MAATEWOOSI 26:38

Insara, «Lubbo'ya reyote geeshsha dadillitino. Ki'ne kayinni goxxinikkinni konniicho agarre!» yiinsa.

MAARQOOSI 13:37

Ki'ne yeemmonte gede, wole baalanka, ‹Jaatte!› yeemmo» yiinsa.

LUQAASI 12:37

Mootichinsa daanno woyite, baqqi yite agarte heedheenna afannonsari ba'raadhinoreeti. Halaale yeemmo'nena, hallo qodhe, insano sagale intanniwa ofoltanno gede asse kae soqqamannonsa.

LUQAASI 12:39

Mitto coye afa hasiissanno'ne: Minu anni mooraanchu daanno yanna afoommero, mooraanchu minesi fane eara wore diaguranno.

LUQAASI 21:36

Kunnira, daannohu bushu coyi baaluwiinni gatate wolqa afidhinanni gedenna Manchi Beetti albaanni uurra dandiitinanni gede wo'manka woyite jaattine huuccidhe» yii.

LUQAASI 22:46

«Mayira goxxinoonni? Jifamate giddora e'inannikki gede ka'ine huuccidhe» yiinsa.

SOQQAMAASINETE LOOSO 20:31

Kunnira, sase diro wo'ma hashsha barra hindiiddi'ranni farci'rummo'neta qaagginanni umo'ne agadhe.

UMI QORONTOOSI 15:34

Wodana assidhe; cubbono loossinoonte. Ki'ne giddo mitu mitu Magano affinokkiri no. Konne yeemmohuno saalfachishammo'nera yeeti.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

EFESOONI SOKKA 2:3

Ninke baalunku hakko manni gede halchonkenna hedonke garinni maalu yorto wonshinanni hee'noommo. Wolu manni gede kalaqaminkenni Maganu hanqi giddo hee'noommo.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

EFESOONI SOKKA 6:18

Wo'manka woyite hasiisanno coyi baalaho, Qullaawu Ayyaaninni huuccidhe. Hakko garinni qullaawu manni baalahono jaattine huuccensa.

FILIPHISIYUSI SOKKA 4:5

Danchumma'ne manna baalaho leelto! Mootichu gambise no.

QOLASIYAASI SOKKA 4:2

Magano wo'manka woyite galaxxitinanni, jaattine huuccidhe!

UMI TESELONQE 4:13

Roduuwa'ya, hexxo afi'rinokki manni gede ikkitine dadillitinoonte; reyino mannire baddine affinara hasi'neemmo.

UMI TESELONQE 5:10

Isi reyinonkehu, hee'nummorono reyinummorono ledosi hee'neemmo gedeeti.

UMI TESELONQE 5:8

Ninke kayinni barri manna ikkinoommohura, jilbunni hee'no; ammanannitanna baxillunnita siwiilu uddano uddi'no. Gatote hexxono siwiilu gullee gede assine umoho wodhino.

UMI XIMOOTEWOOSI 2:15

Ikkollana meyati ammanatenni, baxillunninna qullaawa ikkatenni kaajjite heedhuro ooso ilatenni gattanno.

UMI XIMOOTEWOOSI 2:9

Meentuno umo biifisi're, culka woy irra woy lowo woxinni hirranni imaana uddi'ratenni seesa agure, arshimmatenninna kawajjotenni seesona.

UMI XIMOOTEWOOSI 3:11

Mittu mittunku galte kawajjaame, manna he'mitannokkita, jilba sa'annokkita, baalunku coyira ammanantinota ikka hasiissanno.

UMI XIMOOTEWOOSI 3:2

Kunnira, beetekiristaanete albisi minshanniri nookkiha, mitte galteha, jilba sa"annokkiha, umosi qee'linoha, amanyoote agadhannoha, wosina adhannoha, rosiisa dandaannoha,

LAYINKI XIMOOTEWOOSI 4:5

Ati kayinni baalunku coyinni atenee seekkite agadhi. Cincite qarra adhi; Dancha Duduwo kula loosokki assi'ri; soqqanshokki baala wonshi.

TIITO 2:12

Tini eltono ammana giwanna maalu yorto agurre umo qee'line, sumbetenninna ayyaanaame heeshshonni tenne gobbara hee'neemmo gede rosiissannonke.

TIITO 2:6

Wedelluno umonsa qee'lite heedhanno gede seejjinsa.

UMI PHEEXIROOSI 1:13

Kunnira wodana'ne feeffachishshine, jilbunni heedhe. Yesuusi Kiristoosi daanno yannara afidhinanni eltora wo'ma hexxo heedho'ne.

UMI PHEEXIROOSI 4:7

Xaate baalunku coyira goofimarchu iillino; jaattine huuccidhinanni gede geino wodani hee'ro'ne; jilbunni heedhe.

UMI PHEEXIROOSI 5:8

Jilbunni heedhe; balala gede ikkitinoonte! Diini'ne Daawuloosi egemmannoha hasi'ranni ittananno doobbichi gede qooxeessi'nera doyanni no.

YOHAANNIS AJUUJA 16:15

Mootichu, «Kuneeti, ani mooraanchu gede hedeweelcho dayemmo. Mullichu ha'ranni mannu albaanni saalfatannokki gede, baqqi yee uddanosi agadhannohu ba'raa'rinoho» yii.

YOHAANNIS AJUUJA 3:2

Loosikki Magani'ya albaanni guuta di"ikkinona, baqqi yii! Reyara rahe noo coyeno gatisse kaajjishi'ri.