UMI TESELONQE 5:2 - Qullaawa Maxaafa

² Mootichu barri, hashshi mooraanchi gede ikke daannota ki'nenni seekkitine egentinoonni.

UMI TESELONQE 5:2 ပူးပေါင်းရင်းမြစ်များ

ERMIYAASI 23:20

Hedoommore wonshammo geeshsha, hanqi'ya dihiganno; ki'neno mitto barra konne coye buuxxinanni.

MAATEWOOSI 25:13

«Kunnira, barranna saate diaffinoonnina jaattine agadhe!» yiinsa.

LUQAASI 21:34

Yesuusi lede, «Itunna agu batinyinni, dimbatenninna tenne gobba heeshshora yaaddinanna wodanu daafuranno'nekki gede qorophe! Hakkuyi ka'a kayinni, hakku barri hedeweelcho woshshaadote gede ikke amadanno'ne.

UMI QORONTOOSI 1:8

Mootichinke Yesuusi Kiristoosi daanno barra xe'o nookkire ikkitinanni gede, isi goofimarchu geeshsha kaajjitine heedhinannire assanno'ne.

UMI TESELONQE 5:4

Ki'ne kayinni roduuwa, tunsichu giddo heedhinannire di"ikkitinoonni. Kunnira barru hedeweelcho mooraanchimma didaanno'ne.

LAYINKI TESELONQE 2:2

himanne woy qaale kulle woy ninke borreessine sonkoommo sokka gede assitine heddinanni, «Mootichu barri dayino» yitine shiimurinni gara habbinannikki gedenna hembeelantinannikki gede eegammeemmo'ne.

IYYAASU 11:7

Kunnira, Iyyaasunna olanto wo'manti gaadde, Meroomi Buicho mule noorira hedeweelcho bala tuggu.

LAYINKI PHEEXIROOSI 3:10

Mootichu barri kayinni mooraanchu gede hedeweelcho daanno. Hakko barra gorduwa lowo luulinni ba'anno; kalaqamu baalu giirame ba"anno. Baattonna baattote aana loonsoonniri baalu giiramanno.

YOHAANNIS AJUUJA 16:15

Mootichu, «Kuneeti, ani mooraanchu gede hedeweelcho dayemmo. Mullichu ha'ranni mannu albaanni saalfatannokki gede, baqqi yee uddanosi agadhannohu ba'raa'rinoho» yii.

YOHAANNIS AJUUJA 3:3

Kunni albaanni rosiinsoonniherenna kulloonnihere qaagi. Agadhi; aagintaawi. Baqqi yite agadha hoogittoro kayinni, mooraanchimma dayemmohe. Ma yannara dayemmohero horonta diafatto.