UMI TESELONQE 5:12 - Qullaawa Maxaafa

¹² Roduuwa, ki'ne giddo'ne daafurtinore, Mootichunni gashshitino'nerenna seejjitino'nere ayirrissinanninsa gede huucci'neemmo'ne.

UMI TESELONQE 5:12 ပူးပေါင်းရင်းမြစ်များ

LUQAASI 10:7

Loosinohura daafurisi gumi hasiisannosina, uyinoonni'nere ittinanninna agginanni e'inoonni mine keeshshe. Minunni mine sa'inoonte.

YOHAANNISI 4:38

Anino daafurtinoonnikkiha middinara soommo'ne; wolootu daafurte loossino; ki'ne kayinni insa daafurinni laalcho afidhinoonni» yiinsa.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

ROOMU SOKKA 16:12

Mootichu soqqanshora daafurtinorira Tirufaanaranna Tirufoosara keere iillishshe"e. Mootichu soqqanshora lowo geeshsha daafurtinotera Mootichunni lowo geeshsha baxeemmotera Phersiidara keere iillishshe"e.

ROOMU SOKKA 16:6

Ki'ne daafira lowo geeshsha daafurtinotera Maariyaamira keere iillishshe"e.

UMI QORONTOOSI 12:28

Kunnira, Maganu balaxe beetekiristaanete mito mito soqqamaasine, layinkita himanaano, sayikkita rosiisaano asse worino. Hakkiinni aanche, maalale loossannore, hursate wolqa afidhinore, manna kaa'litannore, gashshaanonna haaru afiinni coyidhannore worino.

UMI QORONTOOSI 15:10

Ikkollana Maganu eltonni xa noommo gedeeha ikkoommo. Uyinoe elto mullawa digattino. Insa baalunkunni roore daafure loosoommo. Ikkollana, konne duucha assitinoti, Maganu eltooti ikkinnina ane di"ikkoommo.

UMI QORONTOOSI 16:16

Hattoo manniranna ledonsa daafurtannorira baalaho hajajantinanni gede qaagiisseemmo'ne.

UMI QORONTOOSI 16:18

Insa anenna ki'ne wodana fooliishshiishshino. Togoo manna egenna hasiissanno.

UMI QORONTOOSI 3:9

Ninke Maganu ledo loonseemmoreeti; ki'neno Maganu ho'richootinna Maganu mineeti.

LAYINKI QORONTOOSI 11:23

Insa Kiristoosi soqqamaasineeti? Ani insanni roore Kiristoosi soqqamaasinchooti. Togo yeemmo woyite, macharaaraamu gede ikke coyi'ranni noommo. Insanni roore lowo yanna loosunni daafuroommo; batinye hige usuramoommo; batinye hige ganamoommo; batinye hige reyote afiinni gatoommo.

LAYINKI QORONTOOSI 5:9

Kunni maalinke ledo hee'nummoro woy baxxinummorono, halchonke iso hagiirsiisate.

LAYINKI QORONTOOSI 6:1

Maganu ledo mitteenni loonsanni hee'neenna, adhitinoonni elto mullawa huntinannikki gede huucci'neemmo'ne.

GALATIYU SOKKA 4:11

Ki'ne daafira mulla haafa daafuroommoha laweennae yaadoommo.

FILIPHISIYUSI SOKKA 2:16

Kuni ikkannohuno, heeshsho afi'nanniha Dancha Duduwo agurtinikkinni farcidhinirooti. Kunni garinni dodansho'yanna daafuri'ya mullawa gatannokki gede, Kiristoosi galagale daanno Barra hexxeemmo coyi hee'rannoe.

FILIPHISIYUSI SOKKA 2:19

Ki'ne heedhinoonni gara macciishshe hagiidhate, rahe Ximootewoosi ki'newa soyemmo gede Mooticha Yesuusa hexxeemmo.

QOLASIYAASI SOKKA 1:29

Maganu jawa wolqasinni giddo'ya loosanno daafira, hatte wolqanni tini hedosi wo'mitanno gede sharramanni daafureemmo.

UMI TESELONQE 2:9

Roduuwa'ya, daafuronkenna mitiimmanke affinoonni. Maganunniha Dancha Duduwo kullummo'ne yannara, mittoho nafa duha ikkineemmo'nekki gede, hashshanna barra loonsanni daafurroommo.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

UMI TESELONQE 5:14

Roduuwa, amaalleemmo'nena cee'maleeyye seejje; waajjaleeyye jawaachishshe; wolqiweeloota kaa'le; manna baala dandee.

UMI XIMOOTEWOOSI 5:1

Geercho annu gede assite amaalisi ikkinnina ruffooti; wedella roduuwu gede,

UMI XIMOOTEWOOSI 5:20

Woloota jiilchate, cubbo loossannore mannu baalu albaanni seejji.

LAYINKI XIMOOTEWOOSI 2:6

Daafure loosi'rannohu daafurisinni afi'rannoha umi laalcho ita hasiissannosi.

TIITO 1:3

Yiino yanna iillituta, gatisaanchinke Maganu hajajonni, anera eeggo uyinoe garinni qaalesi xawisino.

TIITO 1:5

Ate Qerxeesi aguroommohu, biddi yiinokki coye biddi assattonna hajajummohe garinni katammate beetekiristaanete cimeeyye dooratto gedeeti.

TIITO 2:15

Konne coye baala rosiisi; wo'ma roorrenni seejji; hayi yii; ayino mishoonkehe.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

IBIRAAWOOTA 13:7

Alba balaxxe Maganu qaale kultino'nere sooreeyye'ne habbinoonte. Heeshshonsanna reyonsa la'inanni amma'natenni insa labbe.

YOHAANNIS AJUUJA 1:20

Qiniiticho anga'yara la'anni noottori, lamala beeddakkonna culkunni seekkinoonnihu lamalu caabbiyye worranni uduunni tiro kunninni aante noote: Lamala beeddakko lamalante beetekiristaane sokkaasineeti. Culkunni seekkinoonnihu lamalu caabbiyye worranni uduunni lamala beetekiristaaneeti» yiie.

YOHAANNIS AJUUJA 2:12

«Phergamooni Katamira noo beetekiristaane sokkaasinchira, « ‹Lamenka afoo iibbitino bise noosihu:

YOHAANNIS AJUUJA 2:18

«Tiyaxiroosi Katamira noo beetekiristaane sokkaasinchira, « ‹Giirate buwano labbanno ille noosihu, giiratenni daashshinihu gedensaanni fiinoonni camo labbanno lekkahu Maganu Beetti:

YOHAANNIS AJUUJA 2:3

Cincootto; su'mi'ya daafira hifatittokkinni qarra adhootto.

YOHAANNIS AJUUJA 2:8

«Semirineesi Katamira noo beetekiristaane sokkaasinchira, « ‹Ree kae heeshshonniha ikkinohu, albihunna gedensihu:

YOHAANNIS AJUUJA 3:1

«Serdeesi Katamira noo beetekiristaane sokkaasinchira, «Lamala Maganu ayyaannanna lamala beeddahe noosihu: Loosokki afoommo; su'ma lubbotenni nootto; kayinni reyottoho.

YOHAANNIS AJUUJA 3:14

«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu:

YOHAANNIS AJUUJA 3:7

«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno: