UMI TESELONQE 5:11 - Qullaawa Maxaafa

¹¹ Kunnira xa assitinanni heedhinoonninte gede, mimmito'ne jawaachishshenna dhaabbe.

UMI TESELONQE 5:11 ပူးပေါင်းရင်းမြစ်များ

ROOMU SOKKA 14:19

Mannu ledo keere hee'nanni garanna mimmito dhaambanni doogo ha'rate diinaggaambo.

ROOMU SOKKA 15:14

Roduuwa'ya, giddo'ne danchumma wo'miteenna, egennotennino duroo'mitine mimmito'ne seejja dandiitinannire ikkitinoonnita ani umi'ya buuxoommo.

ROOMU SOKKA 15:2

Mitti mittinke, ledo ammanaasine amma'natenni dhaawate danchanna hagiirsiisannonsa coye assino.

UMI QORONTOOSI 10:23

Baalankare fajjinoonni; baalunkuri kayinni kaa'lannoha di"ikkino. Baalankare fajjinoonni; baalunkuri kayinni dhaawannoha di"ikkino.

UMI QORONTOOSI 14:12

Ki'neno Qullaawu Ayyaani afansha afi'rate halchitini geeshsha, roorsitine ammanaasine dhaawanno afanshi bati'ranno'ne gede hasidhe.

UMI QORONTOOSI 14:29

Maganu sokka kultannori lame woy sase ikkite coyidhona; insa coyidhuha, macciishshanno manni hiince laona.

UMI QORONTOOSI 14:5

Baalunku haaru afiinni coyidhinara halcheemmo. Hakkunninni roore Maganu sokka kultinara baxeemmo. Maganu sokka kulannohu, haaru afiinni coyi'rannoha roorino. Hakkuyi ka'a kayinni, beetekiristaane dhaawantanno gede haaro afoo tirannohu hee'ra hasiissanno.

LAYINKI QORONTOOSI 12:19

Xaa geeshsha ninkenee gargadhinanni hee'noommoha lawino'ne? Ninke Kiristoosi widoonni hinge coyi'neemmohu Maganu albaanniiti. Jaalla'ya, ninke konne baala coyi'neemmohu ki'ne keereensateeti.

EFESOONI SOKKA 4:12

Hatto assinohuno, Maganu manna soqqanshote qixxeesseenna, bisosi ikkitinori dhaawantanno gedeeti.

EFESOONI SOKKA 4:16

Manninatu sufatto baalatenni sufame xaadinohu isinniiti. Mittu mittunku bisi loososi loosanno woyite manninatu baalu lophanno; baxillunni dhaawamanno.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

UMI TESELONQE 4:10

Addanko, Meqedooniyaho heedhanno roduuwa baala baxxinanni. Ikkollana xaano hakkiinni roorsitine baxxinanni gede huucci'neemmo'ne.

UMI TESELONQE 4:18

Kunnira, mimmito'ne kunni qaalinni jawaachishshe!

UMI XIMOOTEWOOSI 1:4

Maattotenna gawalo nookki ilama kiirate giddora e'annokki gede hajaji. Hattoo coyi moronsho abbannota ikkinnina ammanatenni assinannihura Maganu loosira mittoreno dikaa'lanno.

IBIRAAWOOTA 10:25

Mitu mitu agurtunte gede, ronsoommoha xaadonke agurroonke. Roorenka Mootichu daanno barri gamba yiinota qaagginanna, mimmitonke albinni roorsine jawaachinsho.

IBIRAAWOOTA 3:13

Ki'ne giddonni ayino cubbunni dogame wodana dillaawannokki gede, techo barri ninkeha ikke hee'reenna barru barrunku mimmito'ne jawaachishshe.

LAYINKI PHEEXIROOSI 1:12

Konne coye affinoonnihanna amaddinoonni halaalinni kaajjitine heedhinoonniha ikkirono, ki'nera lede qaagiissa diagureemmo.

YIHUDA 1:20

Ki'ne kayinni jaalla'ya! Wo'munkurinni roorsitine qullaawa amma'no'nenni umo'ne keereensi'rate jawaatte; Qullaawu Ayyaaninni huuccidhe!