UMI TESELONQE 4:8 - Qullaawa Maxaafa

⁸ Kunnira tenne seejjo giwannohu, manna giwannoha ikkikkinni Qullaawa Ayyaanasi aanno'neha Magano giwinoho.

UMI TESELONQE 4:8 ပူးပေါင်းရင်းမြစ်များ

NEHIMIYA 9:30

Lowo diro cincatenni qorophisiisoottonsa; Ayyaanikkinni himanaanokki widoonni qolte qorophisiisoottonsa; mannikki kayinni macca duwe giwino daafira, ollaansa ikkitino dagara sayisse oottonsa.

FULO 16:8

Museno daware, «Kaaliiqira mageeshshi geeshsha gunguntinoonniro macciishshino; kunnira hawarro maala, soodono sagale hasidhini geeshsha itisanno'ne; aanno'nehu Kaaliiqaatina, ninke assine anfeemmori dino; gunguntinoonnihuno dininkeraatina Kaaliiqiraati» yii.

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 23:9

Dancha coyekki mullare asse hunannona, gowwaho sirnya hasaabbooti.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 53:10

Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

LUQAASI 10:16

Yesuusi rosaanosira, «Ki'nere macciishshannohu anere macciishshannoho; ki'ne giwannohu ane giwinoho; ane giwannohu soyinoeha giwannoho» yiinsa.

YOHAANNISI 12:48

Ane hasi'rannokkihunna qaale'ya giwannohu aana yoo yaannohu no. Kuni ani kuleemmo qaali goofimarchu barra isi aana yoo yaannosi.

SOQQAMAASINETE LOOSO 13:41

‹Ki'ne qacifataasine, la'e; maala'le! Ba'e! Ayino coyi'reenna ammantinannikki coye yanna'nera looseemmo› yine himanaanote widoonni kulloonni coyi daanno'nekki gede agadhe» yii.

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

UMI QORONTOOSI 2:10

Maganu go'lino coye Ayyaanisinni leellishinonke. Ayyaanu, Maganu giddo noori baalu gatikkinni qonqolche afanno.

UMI QORONTOOSI 7:40

Ane hedo gede ikkiro, adhantukkinni heedhoommero roore hagiirraame ikkitanno. Anerano Maganu Ayyaani ledo'ya nooha lawannoe.

LAYINKI QORONTOOSI 1:22

Qoleno isire ikkankera sumudinonkehunna Qullaawa Ayyaana taje asse wodaninkera worinohu isooti.

GALATIYU SOKKA 4:6

Ooso ikkinoommo daafira Maganu, «Annaanna» yine woshshi'neemmoha Beettisi Ayyaana wodaninke giddora soyino.

UMI PHEEXIROOSI 1:12

Tini himanaano ki'nera ikkinnina uminsara soqqantinokkiti xabbe leeltinonsa; soqqantino'nehuno gordunni sonkoonnihu Qullaawu Ayyaani widoonni xa Dancha Duduwo kuli'ne manni hasaawinore xawisatenniiti. Konne coye sokkaasine nafa la'ara halchitanno.

LAYINKI PHEEXIROOSI 1:21

Mayira yiniro, aye himanino mannu fajjonni didayino; ikkollana himana Qullaawu Ayyaani massagino manni Maganuwiinni adhe coyi'rino.

UMI YOHAANNISI 3:24

Maganu hajajo wonshannohu baalu Maganunni hee'ranno; Maganuno ledosi hee'ranno; Maganu ledonke noota anfeemmohu, isi uyinonke Ayyaaninniiti.

YIHUDA 1:8

Kuni mannino haaqeensa hoode hadhanni manninatensa batteessitanno. Gashshaanono diayirrissanno; gordoho ayirrinye afidhinoreno xontanno.

UMI SAAMUEELI 10:19

Techo kayinni qarri'nenna shetto'ne baalantenni gatiseemmo'neha ane Magano'ne mishshine: Dee'ni, ninke moote hasi'noommo yitinoonni. Kunnira, ga're ga're'nenninna boosaalli boosaalli'nenni Kaaliiqi albira shiqqe› yiino'ne» yiinsa.

UMI SAAMUEELI 8:7

Kaaliiqino Saamueelira, «Moote ikkeemmonsakki gede anella mishshinota ikkinnina ate dimishshinona, yitannohere baala haa'ri.