UMI TESELONQE 4:6 - Qullaawa Maxaafa

⁶ Kunni coyinni ayino so'roonke; wole ammanaanono miicoonke. Kunni albaanni kullummo'nenna qorophisiinsummo'nente gede, hattoo coye assitannore Mootichu qorichishanno.

UMI TESELONQE 4:6 ပူးပေါင်းရင်းမြစ်များ

FAARSO 140:12

Kaaliiqa, ati buxanete halaale coyi'rattota, qarraataammahono dancha malattota afoommo.

FAARSO 94:1

Kaaliiqa ati rabbate Magani, hanqokki leellishi.

FULO 20:15

«Moortinoonte;

FULO 20:17

«Wolu manchi mine yortinoonte; galtesi, borojjesi, handosinna harrichosi woy wolu afi'rinore mittoreno yortinoonte» yii.

LAWISHSHA 11:1

Kaaliiqi hanaaqu keenaasincho giwanno; taalo keenaasincho kayinni baxanno.

LAWISHSHA 16:11

Kaaliiqi, safaraasinchunna keenaasinchu taalannota baxanno; isi taalu bikkaasinchinni dikki'nannita hasi'ranno.

LAWISHSHA 20:14

Hidhanno manchi hidhannore dinaadanno; hidhe ha'rihu gedensaanni kayinni, ba'raa'rummo yaanno.

LAWISHSHA 20:23

Kaaliiqi hanaaqu keenaasinchonna, taalinokki safaraasincho giwanno.

LAWISHSHA 28:24

Annanna ama moore, «Cubbo di"ikkino» yaannohu, mulqi'rannohu ledo mittoho.

ROSIISAANCHO 5:8

Mitte gobbara buxane beebba assi'nannanna halaale dawinsanna affe dhaggeeffattooti. Rooreho rooru no; insa wo'munkura aleenni hige la"annohu no.

ISAYAASI 5:7

Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

ERMIYAASI 7:6

Manni gobba manna, annanna ama afi'rinokkirenna gunnoota xiibbinoonte. Tenne gobbara hee'rannoha beebbaataamo manna shitinoonte. Ba'inannina kaphu maganna magansidhinoonte.

ERMIYAASI 9:4

«Mittu mittunku rodii dogaancho, olliichu baalu hemaancho ikkinona, roduu rodoosi qoropho; jaalu jaalasi hexxoonke.

HIZIQEELI 22:13

«Hanaaqo'nenna manna shaa'ne giweemmo daafira, ki'nera wolqa'ya leellisheemmo.

LEEWAAWOOTA 19:11

« ‹Moortinoonte; kaphitinoonte; mimmito'ne dogginoonte.

LEEWAAWOOTA 19:13

« ‹Manna hanaaqqinoonte; gantine adhitinoonte; loosino'ne manchi hunkii ki'newa hashsha galoonke.

LEEWAAWOOTA 25:14

Fiixi'ne giddonni mittu baatto hidhiro woy hiriro, ku'u ko'onne dogoonke.

LEEWAAWOOTA 25:17

Ku'u ko'onne dogoonke; ane Magano'ne waajje. Ani Kaaliiqi Magano'neeti.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

SOFFOONIYAASI 3:1

Cubbunni battaawinohuranna umisi manna shetisannohura haxawarru Yerusaalamete Katamira aanne'e!

SOFFOONIYAASI 3:5

Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

MAARQOOSI 10:19

Shitooti, foortooti, moortooti, kaphunni naqqassooti, doggooti, annakkinna amakki ayirrisi yitanno hajajo egennootto?» yii.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

LUQAASI 16:28

Hakkiicho ontu roduuwi nooena, insano dagge kunni qarri giddora e'annokki gede farci'ronsana› yii.

ROOMU SOKKA 1:18

Bunshensanni halaalu leellannokki gede assanno mannira, cubbinsanna bunshensanni kainohunni Maganu hanqi gordunni dirranno.

ROOMU SOKKA 12:19

Jaalla'ya, Maganoho uyitine agurre ikkinnina ki'ne rabbisidhinoonte. Mootichu, «Rabba anete; rabba ani qoleemmo» yaanno.

ROOMU SOKKA 13:4

Gashshaanchu atera dancha coye assate Maganu soqqamaanchooti; gashshaanchu bagado mulla diqodhinona busha assattoha ikkiro iso waajji. Isi, bunshe assitannore qorichishatenni Maganu soqqamaanchooti.

LAYINKI QORONTOOSI 7:11

Maganu hedo garinni ikkino dadilli: hiittoo hixamanya, ki'nenee keereensi'rate hiittoo diinaggaawa, hiittoo hanqo, hiittoo waajja, hiittoo quqquxama, hiittoo laala, hiittoo qoricha mereero'ne wori! Kunni coyinni fayyaaleeyye ikkitinoonnita duuchunku garinni egensiissinoonni.

GALATIYU SOKKA 5:21

dhiibbete, manna shaate, dimbate, sirbatenna woluno kore lawannoho. Balaxe kulummo'nente gede xaano lede yeemmo'nena, hattoo coye assitannori Maganu gashshoote diragidhanno.

EFESOONI SOKKA 4:17

Kunnira, tidhitinokki hedori Maganiweello gosa heedhanno garinni heedhinannikki gede, seekke kuleemmo'ne; Mootichu su'minni seejjeemmo'ne.

EFESOONI SOKKA 4:28

Moorannohu kunni ka'a mooroonke; hatteentenni hoogginorira aannore afi'rate, angasinni dancha looso loosanni daafuro.

EFESOONI SOKKA 5:6

Kunninni kainohunni hajajamannokki manni aana Maganu hanqi daanno daafira, ayino kaphu coyinni dogoonke'ne.

MARRO 24:7

«Mittu manchi Israeelootu fiixisi giddonni mitto mancho fuge adhe ha're borojjicho assi'riro woy woleho hiriro, hakku manchi reyo. Kunni garinni busha mereeri'nenni hunne.

MARRO 32:35

Rabba anete; rabba ani qoleemmo; lekkansa sarraaqantannohu baonsa barri gamba yiino; qorichishantanno barri iillino› yiino.

UMI TESELONQE 2:11

Annu oososira assanno garinni, ninkeno ki'ne mittu mittunkura assinoommo'nere affinoonni.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

IBIRAAWOOTA 13:4

Adhanna adhama baalunku ayirrisannota ikkito; ayiddaanninna ayiddaama mimmitoho ammananto. Baashaabbannoriranna foortannorira Maganu busha yoo yaanno.

IBIRAAWOOTA 2:6

Qullaawa borro mitto darga, «Yaadattosira isi mannu ayeti? towatattosira isi mannu maati?

YAIQOOBI 2:6

Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?

YAIQOOBI 5:4

Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.