UMI TESELONQE 4:3 - Qullaawa Maxaafa

³ Maganu halcho, ki'ne qullaawoota ikkitinanni gedeetinna horonta foorretewiinni xeertidhinanni gedeeti.

UMI TESELONQE 4:3 ပူးပေါင်းရင်းမြစ်များ

FAARSO 143:10

Ati Magano'yaati; hedoottore asseemmo gede kaa'lie; shaqqadu ayyaanikki xalala doogo qole haa're haroe.

FAARSO 40:8

Magano'ya hedokki wonshammora baxoommo; seerikkino wodani'yara no» yoommo.

LEEWAAWOOTA 15:18

Meyatinna labbaahu mitteenni goxe kairo, bisonsa hayishshi'rona; insano hawarra geeshsha lagaawinore ikko.

MAATEWOOSI 12:50

Gordoho hee'rannohu Anni'ya hedinore wonshannohu baalu anere labbaa rodoo'yaati, meyaa rodoo'yaatinna ama'yaati» yiinsa.

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

MAATEWOOSI 5:32

Ani kayinni, ‹Foorretenni kainohunni ikkiro ikkinnina, hakkuyi ka'a galtesi fushshe ha'risannohu baalu ise foortanno gede assanno. Galtese agurte hadhinota adhannohu baaluno foorinoho› yeemmo'ne» yii.

MAATEWOOSI 7:21

Yesuusi lede, «‹Mooticha'ya! Mooticha'ya!› yaannoehu baalu gordu Gashshoote dieanno. Gordu Gashshoote eannohu Anni'ya yiinore wonshannoho.

MAARQOOSI 3:35

Maganu hedinore wonshannohu baalu anera labbaa rodoo'yaati, meyaa rodoo'yaatinna ama'yaati» yiinsa.

YOHAANNISI 4:34

Yesuusi qole, «Ane sagale soyinoehu haja wonshatenna loososi guutate.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 15:20

Hatteentenni, ‹Kaphu magannara kakkalleenna battaabbino sagale ittinoonte; foorretewiinni xooqqe; gorrinikkinninna mundee fultukkinni qalxante reyitino saada maala ittinoonte; mundeeno agginoonte› yine borreessine sonkummoro woyyate.

SOQQAMAASINETE LOOSO 15:29

Kaphu magannara kakkalleenna battaabbino sagale ittinoonte; gorrinikkinninna mundee fultukkinni qalxante reyitino saada maala ittinoonte; mundeeno agginoonte; foorretewiinni xooqqe. Konne coye agadhitiniro danchahona, keerunni heedhe!» yitannote.

SOQQAMAASINETE LOOSO 20:32

Xaano ikkiro Maganohonna lossannohura, qoleno qullaawootu ledo iqqa aanno'nehura eltote qaalira eeggo oommo'ne.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

ROOMU SOKKA 1:29

Giddonsa beebba, bunshe, hafuurre, xagarro, dhiibbe, manna shaa, gibbo, awaawura, woleho busha mala, heme,

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

ROOMU SOKKA 6:22

Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

UMI QORONTOOSI 1:30

Maganu kayinni ki'nera Yesuusi Kiristoosi ledo mittimma heedhanno'ne gede assino. Kunnira, Maganu Yesuusi Kiristoosi ninkera egennonke, keeraanchimmanke, qullaambenkenna wodonke ikkanno gede assino.

UMI QORONTOOSI 7:2

Ikkollana adhama hooga foorre abbitannota ikkitinohura, mittu mittunkura umisi galte heedhusiro danchaho. Mitte mittenterano umise minaanni hee'risero danchaho.

LAYINKI QORONTOOSI 12:21

Galagale ki'newa dayemmo woyite, miteekke Magani'ya ki'ne albaanni shollishannoe yee waajjeemmo. Kunni albaanni cubbo loose, hattenne loosino battewiinni, foorretewiinni, busha hamaandewiinni aagintaawe higinokki manni daafira dadillu amadannoe yee waajjeemmo.

GALATIYU SOKKA 5:19

Maalu loosi egennammoho; hakkuno: Foorrete, battete, saalimale heeshshooti,

EFESOONI SOKKA 5:17

Mootichu hedo maatiro wodanche ikkinnina, gowwoota ikkitinoonte.

EFESOONI SOKKA 6:6

Maganu hedo wonshannohu Kiristoosi borojji gede ikkinnina, manna hagiirsiisate yitine leellamate soqqansho soqqantinoonte.

QOLASIYAASI SOKKA 1:9

Kunnira, konne coye macciishshinummo barrinni kayinse, ki'nera ayyaanaame egennonninna buuxa baalatenni Maganu hedo afate egenno wonshanno'ne gede huuccanna Magano xa'ma diagurroommo.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

QOLASIYAASI SOKKA 4:12

Ki'ne widiha ikkinohu Kiristoosi soqqamaanchi Ephafirano keere dhaamino'ne. Ayyaanaame heeshshonni lophitine kaajjitine uurritinanninna Maganu hedo baala wonshitinanni gede, isi wo'manka woyite ki'ne daafira huuccatto assanno.

UMI TESELONQE 4:2

Mootichu Yesuusi su'minni hiittoo wodho uyinoommo'nero affinoonni.

UMI TESELONQE 4:4

Mittu mittunku galte'ne ledo hiitto ikkitine qullaawanna ayirrado heeshsho heedhinanniro afa hasiissanno'ne.

UMI TESELONQE 5:18

Baalunku coyira galaxxe! Yesuusi Kiristoosinni afidhinoonni heeshshonni Maganu ki'newiinni hasi'ranno coyi konneeti.

UMI TESELONQE 5:23

Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

LAYINKI TESELONQE 2:13

Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 10:36

Maganu hedinore wonshitine aa'nera hexxo uyino'ne coye afi'rate, cincitine agadha hasiissanno'ne.

IBIRAAWOOTA 12:16

Foorannohu gede woy mittu woyiti sagalera yee bayirreenyesi hirihu Eesawu gede maganiweelo ikkinohu giddo'ne hee'rannokki gede qorophe.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

IBIRAAWOOTA 13:4

Adhanna adhama baalunku ayirrisannota ikkito; ayiddaanninna ayiddaama mimmitoho ammananto. Baashaabbannoriranna foortannorira Maganu busha yoo yaanno.

UMI PHEEXIROOSI 1:2

Maganu Annu alba asse hedino garinni doorantinoonnirira, Yesuusi Kiristoosira hajajantinanninna mundeesi winxa'nera Ayyaanu qullaawoota assino'nerira: Eltonna keeru batiro'ne.

UMI PHEEXIROOSI 4:2

Kunni ka'a gatte noo yanna giddo, maalunnita busha yorto ikkikkinni Maganu hedannore assanni hee'ranno.

UMI YOHAANNISI 2:17

Alamenna alamete halcho sa'anno; Maganu hedinore assannohu kayinni hegere geeshsha hee'ranno.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.