UMI TESELONQE 4:11 - Qullaawa Maxaafa

¹¹ Ga'labbitte heeshsho heedhe; alba kullummo'nente gede diinagge'nenna anga'nenni loosi'ra habbinoonte.

UMI TESELONQE 4:11 ပူးပေါင်းရင်းမြစ်များ

LAWISHSHA 17:1

Gibbote mine noo jilinni, keerunni intoonnihu moolu timi woyyate.

LAWISHSHA 17:14

Coye kayisa, wayi gammala kurkure xullo fushshate ledo mittete; kunnira gibbo ka'ukkinni coyi'ransho aguri.

ROSIISAANCHO 4:6

Ikkollana, lamente anganni loonsanni haafamantenni wodanu fooliishsho ledo, mitte anganni loonsoonnihu shiimu rooranno. Kunino diilallo cu'mate gedeeti.

ERMIYAASI QURTO 3:26

Kunnira, mannu sammi yee cince, Kaaliiqi gatisaanchimma agadhiro danchaho.

MAARQOOSI 13:34

Kuni coyi, minesi loossannorira loosunnita addi addi annimma ee xeerto gobba ha'rino mancho lawanno. Kuni manchi ha'ri woyite, assitannore kule, qae agarannohuno jaate agaranno gede hajajino.

SOQQAMAASINETE LOOSO 18:3

Isino insante gede dukkana gowannoha ikkinohura, ledonsa loosi'ri.

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

ROOMU SOKKA 12:11

Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

ROOMU SOKKA 15:20

Wolu safinohu aana looseemmokki gede, wo'ma woyite Kiristoosire macciishshitinokki gobbara Dancha Duduwo kula halcheemmo.

UMI QORONTOOSI 4:12

Angankenni daafurre loosi'neemmo. Rummanninke woyite, maassi'neemmo; xiimbanninke woyite, cincineemmo.

LAYINKI QORONTOOSI 5:9

Kunni maalinke ledo hee'nummoro woy baxxinummorono, halchonke iso hagiirsiisate.

EFESOONI SOKKA 4:28

Moorannohu kunni ka'a mooroonke; hatteentenni hoogginorira aannore afi'rate, angasinni dancha looso loosanni daafuro.

UMI XIMOOTEWOOSI 2:2

Magano waajjatenninna danchu amanyootinni, keerunnitanna ga'labbitte heeshsho hee'neemmo gede, mootoollatenna gashshaano baalate Magano huuccensa.

UMI XIMOOTEWOOSI 5:13

Qoleno, loosiweelo hee'ra roso assi'ranno; looso cee'ma calla ikkikkinni minunni mine sa"anni manna he'manno. Manni coyi giddora eanni, hasiisannokkire coyi'rannore ikkanno.

TIITO 3:14

Ninke mannino gumiweele gatannokki gedenna heeshshote qarra tidha dandaanno gede, dancha looso loosa rosona.

UMI PHEEXIROOSI 3:4

Biinfilli'ne Maganu albaanni iibbadu waagihanna ba'annokki xummeha, ga'labbichunna wodanaamu suudi seesiha, wodanu giddo nooha giddoyidi manninate ikkona.

UMI PHEEXIROOSI 4:15

Ki'ne giddonni ayino qarra adhanno woyite, manna shiinohu gede, mooraanchu gede, sao assinohu gede, woy manni coyira einohu gede ikke qarra adhoonke.