UMI TESELONQE 4:1 - Qullaawa Maxaafa

¹ Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

UMI TESELONQE 4:1 ပူးပေါင်းရင်းမြစ်များ

LAYINKI DUDUWO 17:4

Annisi Maganono magansi'rino; isira hajajamino; Israeelete mootoolla gede busha looso diloosino.

IYYOOBI 17:9

Keeraano doogonsa aana kaajjite uurritanno; xalala wodana afidhinori wolqa lexxitanno.

FAARSO 92:14

Geedhimmate yannara nafa guma laaltanno; wo'manka woyite lattenna kaajjite heedhanno.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

SOQQAMAASINETE LOOSO 20:27

Togo yeemmohuno, Maganu hedinore mittoreno gatisummokkinni kuloommo'ne daafiraati.

ROOMU SOKKA 8:8

Maalu coyinni amadantinori, Magano hagiirsiisse diaffanno.

UMI QORONTOOSI 11:23

Mootichu Yesuusiwiinni adhe ki'nera oommo'ne coyi konneeti: Mootichu Yesuusi reyote sayinse uyinisi hashsha tima haa're,

UMI QORONTOOSI 15:1

Roduuwa'ya, ani kuloommo'neha, ki'ne adhitinihanna addaxxitiniha Dancha Duduwo qaagiisseemmo'ne.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

LAYINKI QORONTOOSI 10:1

Ani Phaawuloosi ki'ne ledo noommo geeshsha jooge, ki'newiinni xeerti'reemmo woyite kayinni uggoommo'nehu, Kiristoosi shaqqillinninna danchummanni huucci'reemmo'ne.

LAYINKI QORONTOOSI 13:11

Xaate roduuwa'ya keerunni heedhe! Heeshsho'ne biddi assidhe; seejjo'ya adhe. Mimmiti'ne ledo sumuu yiiyye. Keere heedhe; baxillunna keeru Magani ledo'ne hee'ranno.

LAYINKI QORONTOOSI 5:9

Kunni maalinke ledo hee'nummoro woy baxxinummorono, halchonke iso hagiirsiisate.

LAYINKI QORONTOOSI 6:1

Maganu ledo mitteenni loonsanni hee'neenna, adhitinoonni elto mullawa huntinannikki gede huucci'neemmo'ne.

GALATIYU SOKKA 6:1

Roduuwa'ya! Mannu aye so'rono loosiro, ki'ne ayyaanaamma ikkitinoonniri, so'ro assino mancho shaqqillunni dhaabbe. Ki'ne mittu mittunku kayinni, so'rote giddora e'inannikki gede agadhe.

EFESOONI SOKKA 4:1

Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne.

EFESOONI SOKKA 4:20

Ki'ne kayinni Kiristoosire hakko garinni dirossinoonni.

EFESOONI SOKKA 5:17

Mootichu hedo maatiro wodanche ikkinnina, gowwoota ikkitinoonte.

FILIPHISIYUSI SOKKA 1:27

Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo.

FILIPHISIYUSI SOKKA 1:9

Baxilli'ne halaalu egennonna wo'ma wodancha ledo mitteenni lede lede lophanno gede, Magano huucci'reemmo.

FILIPHISIYUSI SOKKA 3:14

Aannoe ba'raa'ra adhate marre gawa'linanniwa hige dodeemmo. Kuni ba'raa'rino Maganu Yesuusi Kiristoosi widoonni qole gordo woshshe aannoe heeshshooti.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

QOLASIYAASI SOKKA 2:6

Xa kayinni Mooticha Yesuusa Kiristoosa amma'nitinoonni garinni isinni heedhe.

UMI TESELONQE 3:12

Ninke banxeemmo'nente gede, Mootichu ki'ne ki'neneewanna wolu manni baalu ledo noo'ne baxilli lophannonna hala'lanno gede asso'ne.

UMI TESELONQE 4:2

Mootichu Yesuusi su'minni hiittoo wodho uyinoommo'nero affinoonni.

UMI TESELONQE 5:12

Roduuwa, ki'ne giddo'ne daafurtinore, Mootichunni gashshitino'nerenna seejjitino'nere ayirrissinanninsa gede huucci'neemmo'ne.

LAYINKI TESELONQE 1:3

Roduuwa'ya, ki'nenni kainohunni Magano wo'manka woyite galanteemmo. Galatano hasiissannonkete; galanteemmohuno, ammana'ne roore lophitanni noohuranna mimmiti'nera noo'ne baxillino lexxanni noo daafiraati.

LAYINKI TESELONQE 2:1

Roduuwa'ya, Mootichinke Yesuusi Kiristoosi daanna ninkeno isi ledo hee'nammora gamba yineemmo gambo daafira,

LAYINKI TESELONQE 3:1

Roduuwa'ya, ki'newa ikkinonte gede, Mootichu qaali baalankawa rahe hala'lannonna ayirranno gede Magano huuccenke.

LAYINKI TESELONQE 3:13

Ki'ne kayinni roduuwa'ya, daafurrummo yitine dancha looso loosa cee'mitinoonte.

UMI XIMOOTEWOOSI 5:21

Assatto coye baala manna mimmituwiinni roorsittokkinni, woy ayerano godowa hosittokkinni, tenne amaale'ya baala guutatto gede, Maganunna Yesuusi Kiristoosi doorino sokkaasine albaanni eegga yeemmohe.

LAYINKI XIMOOTEWOOSI 4:1

Maganunna nooriranna reyitinorira yoo yaara gashshootisinni daannohu Mootichu Yesuusi Kiristoosi albaanni, tenne eeggo eemmohe.

IBIRAAWOOTA 11:6

Amma'na nookkiha Magano hagiirsiinsara didandiinanni; mayira yiniro, Maganunniwa shiqqi yaanno manchi Maganu nootanna iso hasi'ranno mannirano ba'raa'ra aannota ammana hasiissannosi.

IBIRAAWOOTA 13:16

Dancha coye assanna afidhinoonnire woleho beeha habbinoonte. Magano hagiirsiissannoti hattoo kakkalooti.

IBIRAAWOOTA 13:22

Roduuwa'ya, tini borreessoommo'ne sokka harancho ikkitino daafira, tenne seejjo cincatenni seekkitine buuxxinanni gede huucci'reemmo'ne.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

UMI YOHAANNISI 3:22

Hajajosi agadhineemmorenna iso hagiirsiisannore assineemmo daafira, huucci'neemmore baala isiwiinni afi'neemmo.