UMI TESELONQE 3:3 - Qullaawa Maxaafa

³ Qoleno iillino'ne qarrinni hembeelantinannikki gedeeti. Kunni qarrira doorammoommotano egentinoonni.

UMI TESELONQE 3:3 ပူးပေါင်းရင်းမြစ်များ

IYYOOBI 23:14

Anera hedinore wonshanno; anera hedinoti woleno lowo hedo no.

FAARSO 112:6

Danchu manchira horontanni dixeannosi; wo'manka woyite qaanganna hee'ranno.

LUQAASI 21:12

Kuni baalu ikkara albaanni kayinni amaddanno'ne; gadadissanno'ne; xaadu miniranna usuru minira sayisse uyitanno'ne. Ane daafira yitineenna gashshaanotenna mootoollate albira massitanno'ne.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

YOHAANNISI 16:33

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

SOQQAMAASINETE LOOSO 2:25

Daawiti isire, ‹Wo'manka woyite Mooticha alba'yaanni nooha afoommo; qiniite'yaanni noo daafira dimaseemmo.

SOQQAMAASINETE LOOSO 21:11

Kuni himanaanchi ninkewa shiqqi yee, Phaawuloosi hiito haa're angasinna lekkasi usudhe, «Qullaawu Ayyaani, ‹Tenne hiito anna Yerusaalamete Ayihudooti togo assite usurte dagate sayisse uyitanno› yaanno» yee coyi'ri.

SOQQAMAASINETE LOOSO 21:13

Phaawuloosi kayinni, «Wi'litinanni wodana mayira daaqissinannie? Ani Mootichu daafira Yerusaalamete usurama calla ikkikkinni reyote nafa qixxaawe noommo» yiinsa.

SOQQAMAASINETE LOOSO 9:16

Isi ane daafira yee lowo qarra adhannota egensiiseemmosi» yii.

ROOMU SOKKA 5:3

Kunni callunni ikkikkinni, qarrunni cinca afi'neemmo daafira, qarranke hagiirrunni adhineemmo.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

UMI QORONTOOSI 4:9

Maganu ninke soqqamaasine reyote yoo yinoonni mannira aanche uurrisinonkeha lawannoe. Kalqe baala, sokkaasinenna mannu duuchu daa"atannonke gede assinonke.

EFESOONI SOKKA 3:13

Ki'ne daafira yee qarrama'ya ki'nera ayirrinyeho. Kunnira, wolqa ba'inannikki gede seejjeemmo'ne.

FILIPHISIYUSI SOKKA 1:28

Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho.

QOLASIYAASI SOKKA 1:23

Kuni ikkannohu, xintantinenna sigiiggine, Danchu Duduwinni daggino hexxowiinni miliqqi yitinikinni ammanatenni kaajjitine heedhinirootilla. Kuni Danchu Duduwi, ki'ne macciishshitinoonnihonna kalqe baalate kulloonniho. Ani Phaawuloosino soqqamaancho ikkoommohu kunni Danchu Duduwiraati.

UMI TESELONQE 5:9

Maganu hanqoho ikkikkinni, Mootichinke Yesuusi Kiristoosi widoonni hinge gato afi'nammora woshshinonke.

LAYINKI TESELONQE 1:4

Kunnira lowo qarrinna shetto iillitu'nerono, cincaaleeyyenna ammanatenni kaajjitinoonnire ikkitinoonnita kullanni, ninkeno wole ammanaano mereero hee'ne ki'nenni naaxxineemmo.

LAYINKI XIMOOTEWOOSI 1:8

Kunni ka'a Mootichinkere farci'rate saalfattooti; isi daafira yee usuramoommo aneno fokkitooti. Maganu aannohe wolqanni Danchu Duduwira yite ane ledo qarra adhi.

UMI PHEEXIROOSI 2:21

Woshshinoonni'nehuno kunniraati. Isi faalere ikkitinanni gede, Kiristoosi qarra adhatenni lawishsha ikkino'ne.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.

YOHAANNIS AJUUJA 2:13

Sheexaanu gashshe noo gobbara hee'rattota afoommo. Anera ammanaminoha Antiphaasi Sheexaanu hee'rannowa ki'ne katamira shini woyite nafa, su'ma'ya seekkite cu'mi'rootto; amma'nakki facci assite diagurootto.