UMI TESELONQE 3:10 - Qullaawa Maxaafa

¹⁰ Hashshanna barra jaatanaambe huucci'neemmohu, ammana'ne giddo xeino coyi wo'manno gedeetinna ki'neno illenkenni la'nammora yineeti.

UMI TESELONQE 3:10 ပူးပေါင်းရင်းမြစ်များ

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

SOQQAMAASINETE LOOSO 26:7

Kunni hagiirriwa iillate tonaa lamenti ga'renke Magano hashshanna barra magansidhanni agadhite no. Moote'ya! Ayihudootu bushiishshannoehu kunniraati.

LAYINKI QORONTOOSI 1:15

Konne coye buuxoommo daafira, ki'nera lame hige tola ikkanno'ne gede balaxe towatammo'nera hedoommo.

LAYINKI QORONTOOSI 1:24

Kaajjitine uurritinoonnihu ammanatenni ikkinohura, hagiidhitinanni gede ledo'ne loonseemmo ikkinnina ammana'ne aana duha dilendeemmo'ne.

LAYINKI QORONTOOSI 13:11

Xaate roduuwa'ya keerunni heedhe! Heeshsho'ne biddi assidhe; seejjo'ya adhe. Mimmiti'ne ledo sumuu yiiyye. Keere heedhe; baxillunna keeru Magani ledo'ne hee'ranno.

LAYINKI QORONTOOSI 13:9

Ninke wolqiweeloota ikkineenna ki'ne jawaatoota ikkitiniro tashshi yaannonke. Ninke huuccatto ki'ne guuta manna ikkitinanni gedeeti.

FILIPHISIYUSI SOKKA 1:25

Kunni daafira, ki'ne baalunku ledo hee'reemmota buuxi'roommo. Ki'ne baalunku ledo hee'reemmohu, amma'natenni lophonna hagiirre afidhinanni gedeeti.

QOLASIYAASI SOKKA 1:28

Mittu mittunku Kiristoosinni guuta ikkanno gede assine shiqishate, manna baalaho hayyo baala rosiisatenninna seejjatenni Kiristoosire kulleemmo.

QOLASIYAASI SOKKA 4:12

Ki'ne widiha ikkinohu Kiristoosi soqqamaanchi Ephafirano keere dhaamino'ne. Ayyaanaame heeshshonni lophitine kaajjitine uurritinanninna Maganu hedo baala wonshitinanni gede, isi wo'manka woyite ki'ne daafira huuccatto assanno.

UMI TESELONQE 3:11

Xaano Maganinkenna Anninke, Mootichinke Yesuusino ki'newa dangeemmo gede doogo qineessonke.

LAYINKI TESELONQE 1:11

Konne coye hedatenni ki'ne daafira wo'manka woyite huucci'neemmohu Maganinke, woshshino'ne heeshshora maltinoonnire ikkitinanni gedenna dancha coye assate noo'ne halchonna ammana'ne looso baala wolqasinni guuttinannire assanno'ne gedeeti.

LAYINKI XIMOOTEWOOSI 1:3

Wo'manka woyite hashshanna barra huuccatto'yanni qaageemmo woyite, annuwa'ya assitunte gede anino xalalu tii'inni soqqameemmo Magano galaxxeemmo.

FILIMOONA 1:22

Maganu huuccatto'ya macciishshe, ki'newa dayemmo gede assannoeta hexxe noommo daafira, daye fooliishshi'reemmo mineno qixxeessie.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

YOHAANNIS AJUUJA 7:15

Kunnira ayirradu Maganu barcimira albaanni uurrite, hashshanna barra Qullaambesi Mine soqqantannosi. Ayirradu barcimira ofollinohu dukkana guggushshannonsa.

UMI SAAMUEELI 12:23

Anino ki'ne daafira huucca agure Kaaliiqi aana sao asseemmokki gede isinni agaroe. Qoleno danchanna suwashsho doogo rosiiseemmo'ne.