UMI TESELONQE 2:9 - Qullaawa Maxaafa

⁹ Roduuwa'ya, daafuronkenna mitiimmanke affinoonni. Maganunniha Dancha Duduwo kullummo'ne yannara, mittoho nafa duha ikkineemmo'nekki gede, hashshanna barra loonsanni daafurroommo.

UMI TESELONQE 2:9 ပူးပေါင်းရင်းမြစ်များ

LAYINKI MOOTOOLLA 6:2

Kunnira Yordaanoosi laga marre, haqqa mudhine abbine galleemmo mine mi'ninoni?» yitusi. Isino, «Maahoyyena hadhe!» yiinsa.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

NEHIMIYA 5:18

Barru baala 1 hando, 6 hardino ge'reewonna lowo lukkuwa gorre shiqishoommonsa. Tonnu barrinni mitte hige woyinete xajje koyisoommonsa. Ikkollana, mannu aana duunnoonniha ayirrado duha hoolatenni gashshaannira malino muishsha dihasi'roommo.

FAARSO 32:4

Kaaliiqa'ya, hashshanna barra hanqikki aana'ya noo daafira, arru mooshshino haqqe gede jawaante'ya co'o yite gooffu.

FAARSO 88:1

Gatisaancho'ya ikkoottohu Kaaliiqa Magano'ya ballo, hashshanna barra albakkiinni woxarateemmo.

LAWISHSHA 31:18

Assitannori baalu ledinoronna hooginoro buuxxanno; hashsha minese caabbichu dixoanno.

ERMIYAASI 9:1

Shinoonnihura manni'yara hashshanna barra wi'lammora, umi'ya wayi bale, ille'yano hindiiddote buicho ikkitoommero, hiitto baxeemmohu baino.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

SOQQAMAASINETE LOOSO 18:3

Isino insante gede dukkana gowannoha ikkinohura, ledonsa loosi'ri.

SOQQAMAASINETE LOOSO 20:24

Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo.

SOQQAMAASINETE LOOSO 20:31

Kunnira, sase diro wo'ma hashsha barra hindiiddi'ranni farci'rummo'neta qaagginanni umo'ne agadhe.

ROOMU SOKKA 1:1

Tini sokka, Maganunniha Dancha Duduwo kulate bandoonnihu Soqqamaasincho ikkara woshshaminohu Kiristoosi Yesuusi borojjichi Phaawuloosi soyinote.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

ROOMU SOKKA 15:19

Hakku coyi ikkinohu, Qullaawu Ayyaani wolqanni addi addi maalalenninna malaattanniiti. Kunnira, Yerusaalametenni kayise Iliwariqooni geeshsha Kiristoosiha Dancha Duduwo gudise duduwoommo.

UMI QORONTOOSI 4:12

Angankenni daafurre loosi'neemmo. Rummanninke woyite, maassi'neemmo; xiimbanninke woyite, cincineemmo.

UMI QORONTOOSI 9:15

Ani kayinni konne malinoere baala diadhoommo. «Kuni coyi mayira gatie?» yee borreessoommoha di"ikkino. Tenne ku'la'ya haafare asse kiirannohu hee'riro reya woyyitannoe.

UMI QORONTOOSI 9:18

Hatto ikkiro daafuri'ya gumi maatiyya? Dancha Duduwo kuleemmo woyite, hasiisannoere adhummokkinni calla kulate.

UMI QORONTOOSI 9:4

Itanna aga ninkera dihasiissannote?

LAYINKI QORONTOOSI 11:27

Lowo loosinna daafuru amadinoe; batinye hige goxicho hoogoommo. Hudenna goo'ro shetissinoe. Batinye hige qatumoommo; qiidunna kallimma amaddinoe.

LAYINKI QORONTOOSI 11:9

Ki'ne ledo hee'reenna qarru iillie yannara Meqedooniyunni daggino roduuwi hasiisannoere baala uyitinoe daafira ayerano duha di"ikkoommo. Xaa geeshsha ki'nerano mitturinnino duha di"ikkoommo'ne. Albillitteno duha di"ikkeemmo'ne.

LAYINKI QORONTOOSI 6:5

Ganamatenni, usurunni, wodahamatenni, loosu daafurinni, goxano hoogatenni, hudetenni;

FILIPHISIYUSI SOKKA 4:16

Teselonqe hee'reenna qarru amadinoeta affine, mitte lame higgine kaa'litinoonnie.

UMI TESELONQE 1:3

Maganinkenna Anninke albaanni ammana'nenni leellishshinanni looso, baxilli'ne jaantenna Mootichinke Yesuusi Kiristoosinni afidhinoonnita jawaata hoxxo wo'manka woyite qaangeemmo.

UMI TESELONQE 2:2

Ki'ne affininte gede, kunni albaanni Filiphisiyusi hee'nummo yannara, qarrinsoonninkenna xonnoonninke. Lowo geeshsha gimbinkerono ki'nera Dancha Duduwo kulleemmo'ne gede Maganinke jawaante uyinonke.

UMI TESELONQE 2:6

Ki'neno ikke, wole mannano ikko ayino jajankera dihasi'noommo.

UMI TESELONQE 3:10

Hashshanna barra jaatanaambe huucci'neemmohu, ammana'ne giddo xeino coyi wo'manno gedeetinna ki'neno illenkenni la'nammora yineeti.

UMI XIMOOTEWOOSI 1:11

Halaalaancho roso anfannihu kayinni, galatamino Maganire kulannohu ayirrado Dancha Duduwooti. Kuni Danchu Duduwi anera eeggo uyinoonnieho.

UMI XIMOOTEWOOSI 4:10

Ninke manna baala, roorenka ammantinore baala gatisannoha heeshshote Magano hexxineemmore ikkinoommo daafira, daafurre loonseemmo; sharrammeemmo.

UMI XIMOOTEWOOSI 5:5

Gunnimmatenni callase nooti, Magano hexxitanni hashshanna barra kaa'lannose gede jaatte huuccidhanno.

LAYINKI XIMOOTEWOOSI 1:3

Wo'manka woyite hashshanna barra huuccatto'yanni qaageemmo woyite, annuwa'ya assitunte gede anino xalalu tii'inni soqqameemmo Magano galaxxeemmo.