UMI TESELONQE 2:5 - Qullaawa Maxaafa

⁵ Mitte hingeno afuunni donge woy woxe hasi'ne coyi'noommokkita ki'nenni affinoonni. Maganuno naqaashshenkeeti.

UMI TESELONQE 2:5 ပူးပေါင်းရင်းမြစ်များ

IYYOOBI 16:19

Xa nafa kuneeti, naqaashshe'ya gordoho no; Maganu anera ha'le coyi'ramannoe.

IYYOOBI 17:5

Jaalasi woxeho sayise hirannohu, oososi qarru giddo tuganno.

LAWISHSHA 20:19

Hemaanchu fojo dimaaxannona, coye daddalannoha gamba assidhooti.

LAWISHSHA 26:28

Mannu giwannohura nookkire coyi'ranno; ikkollana, manna beebbatenni bokkeessa bao abbitanno.

LAWISHSHA 28:23

Arrawunni coommishamannohunni roore, seejjannohu gedensaanni baxille afi'ranno.

ISAYAASI 30:10

Maganu soqqamaanonna himanaano, «Kaaliiqi yiinore kultinoontenke; halaaleno dudubbinoontenke. Kapho nafa ikkiro, ninke halchinoommore calla macciishshinammora hasi'neemmo.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

ERMIYAASI 8:10

Galte'nenna gate'ne wole gobba mannira eemmo; buxichuno dureessuno, hanaaqunninna maqqaallotenni duroo'manno; himanaano'nenna qeesooti'ne nafa manna dogganno.

MIKIYAASI 3:5

Kaphu himanaano hasidhinore afidhannoha ikkiro, «Keeru dirranno'ne» yitanni dudubbanno. Hasidhinore afi'ra hoogganno woyite kayinni, «Dartu danno'ne» yitanni manna so'risiissanno. Kaaliiqi hatto assitanno himanaano,

MILKIYAASI 1:10

Kakkalo'ya darga haafu kakkalo shilqishshinantenni, ki'ne giddonni Qullaawa Mine cufannohu mayi mittu hee'ra! Ki'nenni hagiidheemmokki daafira anera shiqishshinanni fushshaate diadheemmo.

MAATEWOOSI 22:16

Rosaanonsa Heeroodisi manni ledo Yesuusiwa sokke, «Rosiisaancho, ati halaalaancho ikkoottotanna Maganu doogo halaalunni rosiisattota egenninoommo. Manna waajjite assatto coyi dino; mannahono godowa dihosatto» yituhu gedensaanni,

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

SOQQAMAASINETE LOOSO 20:33

Ani mittuwiinnino womaashsha, culkanna imaana yore diegennoommo.

ROOMU SOKKA 1:9

Wo'manka woyite huuccatto'yanni qaageemmo'netera, Beettisiha Dancha Duduwo kulanni wo'mu wodani'yanni soqqameemmosi Magani naqaashshe'yaati.

ROOMU SOKKA 16:18

Hattoo manni kokkensara calla ikkinnina Mootichinke Kiristoosira soqqamannoha di"ikkino. Owaatunna awishshu qaalinni beebbaataamo manna dogganno.

ROOMU SOKKA 9:1

Kiristoosinni noommo daafira halaale coyi'reemmo ikkinnina dikapheemmo. Kapheemmokkita Qullaawu Ayyaani massagannohu tii"i'ya kulannoe.

LAYINKI QORONTOOSI 12:17

Soyummo'ne manni mittu widoonni qole nafa mogummo'neni?

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

LAYINKI QORONTOOSI 4:2

Saalfachishannoha go'le noo coye facci assine agurroommo; dixagarreemmo; Maganu qaale diqadaawulleemmo. Halaale xawinse kulankenni, mannu baalu tii"ira yine umonke Maganu albaanni reqecci assineemmo.

LAYINKI QORONTOOSI 7:2

Ninkera wodana hala'lenke. Ayerano sao diassinoommo; ayeno dimiincoommo; aye qiniiteno diadhinoommo.

GALATIYU SOKKA 1:20

Kuni borreesseemmo'ne coyi kapho ikkinokkita Maganu albaanni hee're coyi'reemmo.

UMI TESELONQE 2:10

Ki'ne ammanaanote mereero hee'nummo yannara qullaawoota, keeraanonna minshanniri nookkire ikkine hee'rankera ki'nenna Maganu naqaashshete.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

UMI XIMOOTEWOOSI 3:8

Kaa'laasine ayirraddanna yitinowa hossannore ikkitona; woyinete xajjera saankaabbannokkire, woxeho hagaaggannokkire ikkitona;

TIITO 1:7

Beetekiristaanete sooreessi, Maganu looso eeggo uyinoonnisiha ikkino daafira, minshanniri nookkiha ikka hasiissannosi. Naaxxannokkiha, hanqoho muddamannokkiha, dimbannokkiha, giwamannokkiha, woxeho hafuurannokkiha,

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!